Patay ang isa ka babaye nga pasahero sang tricycle matapos gintiro sang riding in tandem suspects sa kilid sang isa ka mall sa South Capitol Road, Barangay 8 syudad sang Bacolod, Sabado sang gab-i, Pebrero 20.
Suno kay Lt. Andy Ofalia, ang biktima ang ginkilala nga si Madeline Benignos, 29 anyos residente, Purok Lampirong, Barangay 2, Bacolod kag isa ka stall owner sa 888 mall.
Sa inisyal nga imbestigasyon, ang biktima ang gikan sa 888 kag papuli na sakay sa tricycle sang ini ang ginluthang sang riding-in-tandem suspects sa Barangay 8.
Sakay man sa tricycle ang asawa sang driver.
Duha ka mga lupok ang nabatian sang mga tawo sa lugar.
Narekober sang kapulisan ang tatlo ka empty shell kag isa ka bala sang ginapatihan kalibre 45 nga armas luthang.
Suno kay Ofalia, ila pa paga usisaon ang CCTV sa lugar.
Ginausisa pa karon sang kapulisan ang background sang biktima.