Liwat na naman nga natabo ang pagpang haboy sang bato sa grupo sang mga kandidato sa banwa sang EB Magalona, samtang sila ang nagapapauli halin sa kampanya.
Suno kay Third District Board Member David Albert Lacson, ang insidente natabo sa Barangay Consing sadtong Abril 30 sang gab-i.
Apang nagpasalamat si Lacson nga wala man sang naigo ukon nasamaran.
Bangud sini, nagalaum si Lacson nga paboran sang Commission on Election, kapulisan kag militar ang ila hingyo nga ipaidalom sa comelec control ang EB Magalona.
Nagapati si Lacson nga resulta lamang ini sa pagpangutos sang mga sumalakdag sang ila pangontra.
Ini na ang ikatatlo ka beses nga insidente sang pagpanghaboy sa grupo ni Lacson.
Una, natabo sadtong Abril 15 sa Barangay Pasil kag ginsundan sa Barangay Tuburan nagligad nga Abril 25. |Aksyon Marlon Genovea