MENU

PANGAYAW NGA BIKERS GINA DILIAN NGA MAG SULOD SA BAGO CITY UMPISA BWAS

  • at 10:25 pm
Share on facebook
Share on pinterest
Share on twitter
Share on print

Umpisa bwas nga adlaw Hulyo 24, 2020, temporaryo nga dumilian ang mga pangayaw nga bikers nga makasulod sa syudad sang Bago, Negros Occidental, bilang tikang agud mapahagan-hagan ang kaso sang Covid-19.

Sandig sa duha ka pahina nga Executive Order 46 ni Mayor Nicolas Yulo nga ginpirmahan Hulyo 21, 2020, iya ginpahayag nga may roadblocks nga ipahamtang ang mga kapulisan sa mga borders sang syudad.

Dugang pa ni Yulo, ang mga local bikers amo lamang ang tugutan, apang kinahanglan nga magpresentar sang proper proof of identification nga residente sang syudad, kag magtuman sang minimum public health standards, pareho sang social distancing kag pagsuksuk sang face mask.

Una diri, 2 ka mga bikers sa syudad sang Talisay ang nagpositibo sa Covid-19, kag nakalaton sa tatlo pa ka iban. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

ONE-WAY TRAFFIC SCHEME GINPATUMAN PAKADTO SA PANAAD

April 16, 2024

Ginpatuman sang Bacolod Traffic Authority Office ang one-way traffic scheme halin sa Lopue’s Panaad pakadto sa entrance sang Panaad Park karon nga Panaad Festival 2024 umpisa la 1 sang hapon tubtob las 11 sang gab-i.

Ginpahayag ni Jose- Antonio Robello, deputy head sang BTAO, sa pagsulod sa Panaad sa bahin sang Barangay Alijis, ang may dala nga mga salakyan ang maga exit sa likod sang Panaad sa Barangay Mansilingan.

May 30 ka mga traffic enforcers nga gin deploy ang BTAO sa lugar sa pila ka shift. Ginpatuman ang no parking policy sa kilid sang dalan pasulod sa Panaad.

May lima ka lugar nga gindesignar nga parking area sa sulod sang Panaad, duha dire ang para sa mga opisyales kag VIPS samtang tatlo ang para sa publiko.

Posible i-divert naman ang mga trucking nga magalabay sa Bangga Metal sa Alijis, pero ini ang case-to-case basis.

Suno pa kay Robello, may pag guot sa trapiko bangud nga gindagsa ang una nga adlaw sang Panaad Festival kag ang pagpasulod sang dalagkuan nga mga props sang LGU para sa Best of Festivals competition.

What’s your Reaction?
+1
0
+1
0
+1
0
+1
0
+1
0
+1
0
+1
0

HABAL-HABAL DRIVER, GINBUNO-PATAY BANGUD SA UTANG

April 16, 2024

Patay ang isa ka habal-habal driver matapos ginbuno sang PWD nga iya gin-utangan sa Sitio Bunga, Brgy. Quentin Remo banwa sang Moises Padilla, Lunes sang hapon , Abril 15, 2024.

Ginkilala ang biktima nga si Albert Manigsasa, 29-anyos samtang ang suspek ginkilala nga si Epefanio Solano, 52-anyos, pareho nga mga residente sang nasambit nga lugar.

Suno kay Police Major Joevito Bose, Chief of Police sang Moises Padilla MPS, may hulam si Albert nga P100 pesos kay Epifanio agud ibakal sang gasolina kag makaligad ang pila ka adlaw nga wala nakabayad si Manigsasa ginsukot ini ni Epifanio apang nagpamalibad nga magbayad.

Palayag ni Bose, ginsumbag kag ginkagat ni Albert si Epifano kag ginpugos rason nga natumba ang mga ini sa duta.

Gilayon naman nga nagkuha sang patalom si Epifanio kag ginbuno si Albert sa paa.

Posible nga naigo ang mayor nga ugat sang biktima nga amo ang gintuna-an sang iya kamatayon.

Priso na man sa karon si Epifanio sa jail facility sang Moises Padilla MPS kag desidido ang pamilya nga magpasaka sang kaso nga homicide kon mag-abot na ang resulta sang post mortem examination.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.