PANGABAY SG LGU SANG BACOLOD NGA TEMPORARYO UNTATON ANG REPATRIATION SANG BACOLODNON OFWs UMPISA SUBONG NGA ADLAW, GINPABORAN SANG OWWA

Share on facebook
Share on google
Share on pinterest
Share on twitter
Share on print

Ginpaboran sang Overseas Workers Welfare Administration ukon OWWA ang pangabay sang LGU sang Bacolod nga temporaryo nga pag pauntat sang repatriation sang mga Bacolodnon OFWs umpisa subong nga adlaw, Lunes Agusto 3.

Ini ang gin anunsyo ni Councilor Renecito Novero, chair sang Quarantine Center Action Team, sa virtual press conference, kahapon, Dominggo.

Suno kay Novero,ini nga impormasyon ang gin palambot sa iya ni OWWA Region 6 Director Rizza Moldes.

Dugang pa ni Novero, nag dangat sa 17.5 million pesos ang balayran sang OWWA sa 21 ka mga hotel ukon inn sa Bacolod nga gina tiniran sang mga OFWs para sa quarantine.

Suno sa konsehal, base sa iya impormasyon gikan sa OWWA Region 6, nakabayad na sila sa pila ka hotel pero indi pa kompleto.

Naga laum si Novero nga indi mag untat ang mga hotel owners sa pag baton sa mga naga abot nga OFWs bangud paga bayaran man sila sang gobyerno pero aminao ini nga may pila na ang nag backout.

Suno kay Mayor Evelio Leonardia, nag pakigangut ini kay OWWA Administrator Hans Leo Cacdac kag naga laum nga ang isa ka semana nga moratorium ang maga resulta sa pag settle sang ila balayran sa mga hotel.

Naga laum ang mga opisyal nga sa tion nga matapos ang moratorium, indi pag tingubon sang gobyerno nasyunal ang pagpuli sa mga OFWs.

MORE STORIES:

LIKE US ON FB

error: Ooops... You are not authorized to copy this content.