SECTIONS

PANGABAY NGA PAGPALAWIG SANG ECQ SA BANWA SANG LA CASTELLANA KINAHANGLAN IPALAMBOT SANG ALKALDE SA NATIONAL IATF SUNO KAY GOV.LACSON

  • at 6:56 pm
Share on facebook
Share on google
Share on pinterest
Share on twitter
Share on print

Ginpanugyan ni Negros Occidental Governor Eugenio Jose Lacson kay La Castellana Mayor Rhumyla Mangilimutan nga mag apelar sa National Inter-Agency Task Force sa plano nga pagpadayon sang Enhanced Community Quarantine implementation sa banwa.

Suno kay Lacson, indi maka-amend ang probinsiya sa Executive Order nga nagapatuman sang General Community Quarantine.

Dugang pa ni Lacson nga pareho sa syudad sang Bacolod, kinahanglan nga ang banwa mismo amo ang magpalab-ot sang pangabay nga palawigon ang ECQ sa La Castellana.

NEGROS OCCIDENTAL MAY 118 ACTIVE COVID-19 CASES

January 18, 2021

Liwat nga nagsaka ang kaso sang Covid-19 sa Negros Occidental.

Sa datos sang Provincial Incident Management Team (PIMT) tubtub Enero 17, 2021, nagsaka sa 118 ang active cases halin sa 109 nga record sadtong Enero 11, 2021.

Ang syudad sang San Carlos amo ang may pinakadamo nga active cases nga may 23 kag ginasundan sang Silay nga may 13.

May 24 naman ka mga banwa kag syudad ang may single-digit number na lamang nga active cases.

May lima man ka mga banwa nga wala na sang aktibo nga kaso nga ginalakipan sang Don Salvador Benedicto, Cauayan, Pontevedra, San Enrique, kag Valladolid.

Pinakanubo nga active cases ang narekord sang PIMT sadtong Enerto 6 kag 9, 2021, nga may 104.

Basi sa cumulative report sang PIMT halin Marso 27, 2020 tubtub Enero 17, 2021, ang Negros Occidental ang may total Covid-19 cases nga 6,574, recoveries – 6,250, kag 206 nga napatay. | Aksyon Marlon Genovea

BARANGAY 18 MAY ARKILAHAN NGA LUGAR PARA TEMPORARY SHELTER SANG MGA WATCHER

January 18, 2021

Arkilahan sang Brgy. 18 council ang isa ka bakante nga lokal agud himuon nga temporary shelter para sa mga watchers sang mga pasyente sang Corazon Locsin Montelibano Memorial Regional Hospital (CLMMRH).

Ang arkilahan nga lugar ang nahamtang sa 2nd Cordova Road, Brgy. 18 syudad sang Bacolod kag may kadakuon nga 12×50 square meters.
Suno kay Kapitan Madeline Diaz sang Barangay 18, isa ka indi magpakilala nga indibidwal ang nagpakig-angut sa iya agud magbulig sa mga watchers pinaagi sa paghatag sang libre nga ilistaran.

Magapahamtang man sang 50 ka mga folding beds kag ulunan ang barangay agud indi na mabudlayan pa nga magpangita sang gamit ang mga watchers.

Dugang pa ni Diaz, wala labot sang bulig pinansyal magahatag man sang duha ka sako sang bugas ang nagdonar.

Nagalaum si Diaz nga magkooperar kag mangin responsable ang mga watchers. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.