PANGABAY NGA PAGLAKIP SANG MGA GAGMAY NGA NEGOSYANTE SA FINANCIAL AID, GINAPAABOT NI CONG GREG

Share on facebook
Share on google
Share on pinterest
Share on twitter
Share on print

Gina paaabot ni Bacolod City Lone District Congressman Greg Gasataya ang positibo nga pag akto sang National Government paagi sa Department of Finance angut sa iya gina pangabay nga pag lakip sang mga magagmay nga mga negosyante sa financial assistance nga gina hatag paagi sa iban pa nga ahensya ukon sanga sang gobiyerno.

Suno kay Gasataya, ini ang nangin kaundan sang iya ginhimo nga privileged speech sa kamara tinalikdan nga adlaw sa tuyo nga ma buligan ang hanay sang mga negosyante sa Bacolod kag Negros Occidental nga nangin aplikante sa CAMP program sang DOLE apang wala malab-utan sang gin alokar pondo.

Dugang pa ni Gasataya, mas labing maayo kon ang application kag record sang amo nga mga negosyante ang automotic na lamang nga iga forward sang DOLE sa iban pa nga mga sanga sang gobiyerno nga may yara pa sang nabilin nga pondo para sa amo programa.

Sa nahibaluan nga magluwas sa gin patigayon sini nga privileged speech, una na nga nagpadala sang sulat ang Kongresista sa talatapan sang DOLE angut sa gihapon sa amo nga lihok.

LALAKI GINBUNO SANG BABAYI SA MOISES PADILLA, PATAY!

Patay ang 48 anyos nga lalaki matapos ginbuno sang isa ka babayi las 8:30 sang gab I, martes sa Sitio Loblob, Barangay Magallon Cadre, banwa sang Moises Padilla.

Ginkilala ang napatay sa kay Rene Lusaran kag ginkilala naman ang suspetsado sa kay Marlyn Bargayo, 49 anyos.

Sa pagpangusisa ni Moises Padilla PNP Commander Police Captain Randy Babor, gin alegar nga nakaino ang biktima kag ginhaboy sang bato ang balay sang suspetsado.

Tungod sini, naggwa si Bargayo nga may dala sang kutsilyo apang hinali na lamang siya ginhakos ni Lusaran rason nagpanginpadlos kag nabuno ang biktima.

Boluntaryo naman nga nagsungka sa kapulisan si Bargayo matapos mahimo ang krimen kag sa karon priso sa Custodial facility sang Moises Padila PNP.

TATLO KA MGA OPISYAL NGA NAKATUPAD NI GOV LACSON SA ANTI DRUG SUMMIT, NEGATIBO SA COVID-19

Negatibo sa Covid-19 ang tatlo ka mga opisyal nga nakatupad ni Governor Bong Lacson sa Provincial Anti-Drug Summit syudad sang Bacolod sang Biyernes Enero 22, 2021.

Ini ang gin anunsiyo sang gobernador subong nga adlaw, kasunod sang iya pagpa swab test sa Teresita L. Jalandoni Provincial Hospital sa syudad sang Silay.

Ang tatlo amo sanday DILG Negros Occidental OIC Provincial Dir. Roselyn Quintana, Asst. Reg’l. Dir. Maria Calpiza Sardua, kag Liga ng mga Barangay Pres. kag Neg. Occ. Board Member Juvy Pepello. 

Sila kag si Lacson ang kalakip sa mga opisyal nga close contacts sang DILG Iloilo official nga nagpositibo sa Covid-19 kag nagtambong man sa summit.

Suno sa gobernador, mahibaluan ang resulta sang iya swab test karon sa gab-i kag nagalaom nga magnegatibo agud makabalik sa gilayon sa pagreport sa kapitolyo probinsiyal.

Dako ang pagsalig ni Lacson nga siya ang mag negatibo, bangud wala man sang sintomas nga ginabatyag.

Si Lacson ang nagpaidalom sa self-isolation umpisa kahapon Enero 26.

MORE STORIES:

LIKE US ON FB

error: Ooops... You are not authorized to copy this content.