PANDAY LUWAS NA SA KATALAGMAN MATAPOS GIN TIRO SA LA CASTELLANA

Share on facebook
Share on google
Share on pinterest
Share on twitter
Share on print

Luwas na sa katalagman ang 27 anyos nga panday matapos gintero sa sulod sang iya puloy-an sa Sitio Hiniwa-an, Brgy Manghanoy, banwa sang La Castellana, Biernes sang gab-i.

Ang biktima ginkilala kay Christian Banches samtang ang suspetsado ginkilala naman kay Telseporo Praba, 55 anyus lunsay nagapuyo sa amo nga lugar.

Sa inisyal nga pagpangusisa ni P/Capt. Ramel Bustamante, hepe sang La Castellana PNP, bangod gid lamang sa madugay na nga dinumtanay, ginsulong sang suspek ang puloy-an sang biktima upod ang duha pa sini ka mga bata.

Dugang pa ni Bustamante, ginkastigo ang biktima kag gintiro gamit ang 38 kalibre nga pistola. Una nga gindala ang biktima sa La Castellana Rural Health Unit matapos nakaangkon sang pilas sa lawas antis gin-saylo sa isa ka hospital sa Bacolod.

Sa follow-up operation sang kapulisan, nadakpan si Praba kag karon nagapangatubang sang duha ka kaso nga attempted murder kag paghupot sang iligal nga armas. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.