PANDAY KAG MANUG KAY-O ARMAS LUTHANG DAKOP PAAGI SA SEARCH WARRANT, MATAG AS NG KALIBRE SANG ARMAS LUTHANG KAG BALA NA RECOVER

Share on facebook
Share on google
Share on pinterest
Share on twitter
Share on print

Victorias City –   Dakop ang isa ka panday sang furnitures kag naga pangkay-o sang mga armas luthang sa Osmeña Avenue, Brgy 5, syudad sang Victorias kasunod sang search warrant sa balay sang suspetsado nga ginkilala kay Felix Ayco 63 anyos residente sang amu man nga Brgy. 

Suno kay Chief Insp Eduardo Corpuz hepe sang kapulisan sang Victorias City PNP nakabaton ini sang reklamu gikan sa mga residente angud gin alegar masami nga nagapalupok sang armas luthang sa ila lugar. 

Dugang pa ni Corpuz ginatudlo ni Ayco nga ang nagapanag iya sang mga armas luthang nga nakuha sa iya poluy an gin alegar mga miembro sang kapulisan. 

Narekober sang kapulisan isa ka improvised shotgun loaded sang apat ka bala, isa ka homemade magnum 357 nga may onse ka bala, isa ka homemade 22 magnum nga may apat ka bala, isa ka improvised caliber 22 riffle, 42 ka mga bala sang caliber .22, 20 ka mga bala sang .30 caliber, isa ka magazine sang M16 Armalite, lima ka bala sang 12 gauge shotgun, apat ka holster kag isa ka posas. 

Priso karon sa custodial facility sang Volictorias City PNP si Ayco kag magapangatubang sang nagakaigo nga kaso.

PASAPORTE GIN PROMOTE BILANG BRIGADIER GENERAL

Lubos nga ginpasalamatan ni 303rd Infantry Brigade Commander Inocencio Pasaporte si Presidente Rodrigo Duterte kag AFP Board of Generals matapos ginpromote ini sa ranggo nga Brigadier General.

Suno kay Brig. Gen. Pasaporte, gin-aprobahan ni Presidente Duterte ang iya promotion upod sa 4 ka mga senior officers tinalikdan nga Martes, Hunyo 22.

Dugang pa ni Pasaporte ginakabig nga kadalag-an sang tanan nga mga miembro sang Philippine Army sa Negros Occ. ang promotion bilang bag-o nga Heneral sang AFP bangod daku ang nangin kontribusyon sang mga soldado para sa ila mga nalab-ot.

Ginpahayag man ni Pasaporte nga sa pihak sang pandemya, padayon ini nga magapangalagad sa bug-os nga probinsya ilabi sa pagpakig-away sa Covid-19 paagi sa pagpadala sang mga militar nga nagaserbi bilang contact tracers, pagbantay sa 5 ka mga Quarantine Boarder Control nga nagatapik sa Occidental kag Oriental kag madamo pa nga iban. | Aksyon Alvin Grava

POLICE STATION 9 NA AKTUHAN ANG MGA PAMATAN-ON NGA NAGPAMASYA SA MGA MOTORISTA SA BARANGAY SUM-AG

Ginkumpirmar sang kapulisan nga may grupo sang mga pamatan-on nga nagpang basya sang tubi sa mga motorista nga nagalabay sa taytay sang Barangay Sum-ag syudad sang Bacolod kadungan sang kapiestahan ni San Juan de Bautista, kaina sang udto, Hwebes.

Suno kay Police Station 9 Commander Police Major Ritchie Gohee, naga-inspeksiyon siya kag ang mga police personnel sang nakabaton sang tawag nga may mga kabataan nga may bitbit sang balde nga may unod sang tubi kag ginabasya sa mga naganilabay.

Ginrespondihan sang kapulisan ang lugar kag naaktuhan ang mga pamatan-on nga nagnilumpat sa suba matapos makita ang patrol sang kapulisan.

Kun madumduman, nagpagwa sang mando si Mayor Evelio Leonardia nga nagadumili sang basyahanay sang tubi kag iban pa nga aktibidad may angut sa kapiestahan ni San Juan de Bautista.

Samtang, ginpahayag naman ni Gohee nga compliant ang mga resort kag restaurant owners sa Barangay Punta Taytay syudad sang Bacolod.

Samtang, lubos nga gin pasalamatan ni Task Force Disiplina Action Officer Wilfredo Taba Geolingo ang gin pakita nga kooperasyon sang publiko angut sa selebrasyon sang ka piyestahan ni San Juan de Bautista.

Suno kay Geolingo, base sa ila gin patigayon nga operasyon kag monitoring sa mga beach resort lakip na sa mga kapehan kag kalan-an sa Barangay Granada kag Alangilan, gin klaro sini nga wala sila sang nakita nga ano man nga bayolasyon.

Dugang pa ni Geolingo, may yara gid man sang pila ka mga kabataan ukon mga menor de edad nga ila gin saway matapos magpaligo sa baybay ilabi na sa mga Barangay nga may yara sang nasakupan nga coastal area, apang ini nga concern ang ila gilayon naman nga gin aktuhan paagi sa pagpalab-ot sa atensyon sang natungdan nga mga ginikanan.| Aksyon John Diaz, Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.