PAMILYA TAN: INDI KAMI KONEKTADO SA ILIGAL NGA DROGA

Share on facebook
Share on google
Share on pinterest
Share on twitter
Share on print

Gina panginwala sang Pamilya Tan nga may koneksyon sa iligal nga droga ang pag patay sa negosyante nga Roland Tan tinalikdan nga semana.

Ang Pamilya Tan ang nag pagwa sang statement agud klaruhon ang mga malisyoso nga report angut sa biktima.

Suno kay Mary Grace Tan, magulang sang biktima, sa pihak nga wala pa sila sang ideya sa motibo kag rason sa nagluntad nga krimen, sigurado sila nga wala ini kaangtanan sa ilegal nga droga.

Pagklaro sang pamilya, ang crown agri ang isa ka lehitimo nga negosyo nga gin umpisahan sang ila amay sadtong 1965 pa.

Suno kay Mary Grace, wala sang kontra ukon pamahog sa kabuhi nga nabaton ang iya manghod antes ini nga gin patay.

Nagapangabay ang pamilya Tan sa publiko nga untatan ang pagpalapta sang sala nga impormasyon angut sa iya utod.

Nagapangabay naman si Mary Grace sa katapo sang kapulisan nga usisaon kag himuon ang tanan agud matagaan sang hustisya ang pagkapatay sang iya utod. | Aksyon Eden Aboso

BACOLOD DILG CHIEF MADAYAG, NEGATIBO ANG RESULTA SA COVID19 TEST

Nabaton na ni Bacolod City DILG chief Ma. Joy Marideth Madayag ang resulta sang iya swab test nga gin patigayon tinalikdan nga Lunes.

Suno kay Madayag, nangin negatibo ang resulta sang iya RT-PCR test nga nangin kabahin sang precautionary measure nga ginhimo sang ila talatapan bangud sa pag positibo sang isa nila ka empleyado sa Region 6.

Dugang pa ni Madayag, nagpatigayon sang Regional Conference ang ila talatapan tinalikdan nga semana gani ang amo nga RT-PCR test ang isa sang mga requirement agud ipasiguro nga ini ang hilway sa COVID 19.

Liwat naman nga nagpatigayon sang disinfection ang iya talatapan karon nga adlaw, samtang natalana naman nga maga balik ang ila operasyon sa DILG Bacolod sa bwas nga adlaw Enero 28.

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

MORE STORIES:

LIKE US ON FB

error: Ooops... You are not authorized to copy this content.