PAMILYA PANES NAGKLARO NGA WALA KAANGTANAN SA COVID-19 ANG GIN KAMATAY NI NEGROS OCCIDENTAL DILG DIRECTOR PANES

Share on facebook
Share on google
Share on pinterest
Share on twitter
Share on print

Ginklaro sang pamilya Panes nga wala sang kaangtanan sa Covid-19 ang ginkamatyan ni Department of the Interior and Local Government (DILG) Negros Occidental Director Atty. Ferdinand Panes. 

Sa interview sang Aksyon Radyo  Bacolod, ginpahayag sang utod  nga si Anthony, severe pneumonia ang nakasaad sa death certificate  kag indi Covid-19.

Dugang pa ni Anthony, normal lamang  nga magsuspetso ang mga tawo  angot sa Covid-19,  bangud nagsuprer man sang ubo  ang iya  magulang,  nga isa sa  mga simtomas sang amo  nga virus.

Nagpasalamat ang pamilya sa mga Negrosanon labi na sa  mga opisyal sang probinsiya kag barangay, sa  suporta  kay Panes,   nga nagpangalagad  bilang Provincial Director sang Negros Occidental  sa sulod sang masobra isa ka tuig.   

Si Panes  ang gin-admit sa hospital sa Iloilo sadtong Oktubre 13 , kag ginbawian sang kabuhi sang Myerkules snag gab-i.

Samtang, daku nga kawad-on para sa Liga  ng  mga Barangay sa Negros  Occidental ang pagtaliwan  ni Panes.

Ini ang ginpahayag ni Association of Barangay Captains (ABC) President Juvy Pepello sa interview sang Aksyon Radyo Bacolod. 

Suno  kay Pepello,  si Panes ang ginakabig bilang maayo  nga mentor, speaker  kag defender, para sa  mga opisyal sang kabarangayan.

Dugang pa ni Pepello, daku man ang nabulig ni Panes sa mga barangay kapitan sa paghatag sang dugang nga ihibalo  kag impormasyon may kaangtanan sa pang gobyerno. 

Si Pepello ang ginpahibalo sang DILG staff sang Myerkules sang gab-i, nga si Panes ang nagtaliwan bangud sa balatian samtang ginabulong sa hospital sa Iloilo.

Suno kay Pepello  ulihi sila  nga nagsugilanon ni Panes sang  ginpatigayon  ang Provincial Drug Abuse Council meeting  sadtong Setyembre. 

Si Panes ang nagpangalagad bilang director sang DILG Negros Occidental, umpisa sadtong Hulyo 1, 2019. | Aksyon Marlon Genovea

Photo Credit : Aksyon Radyo Iloilo

MORE STORIES:

LIKE US ON FB

error: Ooops... You are not authorized to copy this content.