SECTIONS

PAMILYA BANTUG NAG DONAR SANG DUTA PARA PATUKURAN SANG BUILDING SANG POLICE STATION 5

  • at 6:52 pm
Share on facebook
Share on google
Share on pinterest
Share on twitter
Share on print

Mahimo na nga makapatukod sang kaugalingon nga building ang Police Station 5 sa nasunod nga tuig matapos nagpermahanay na sang deed of donation ang Bacolod City Police Office kag pamilya bantug kaina sang aga.

Suno kay Lt. Col Ariel Pico,ang pamilya Bantug ang nag donate sg 500 sqm nga duta nga nahamtang malapit sa Bantug Lake Ranch nga ila man ginapanag-iyahan.

Dugang pa ni Pico, kom matukod kag matapos na ang building, ini ang pinakauna nga Police Station sa idalom sang BCPO ang mapangalan na sa PNP. | Aksyon Eden Aboso

170K NGA GINAPATIHAN SHABU, NAREKOBER; SUSPEK, NAKAPALAGYO

January 18, 2021

Narekober ang 170,000 pesos nga balor sang ginasuspetsuhan shabu sa buy-bust operation sang Regional Drugs Enforcement Unit (RDEU)-6 sa Purok Kagaykay, Brgy. 2 syudad sang Bacolod.

Nakapalagyo ang subject sang operasyon nga si Romulo Hamatoc, 31 anyos samtang nadakpan ang nobya sini nga si Arielle Descutido, 21 anyos.

Si Hamatoc isa ka high-value individual sang probinsya samtang si Descutido naman ginakabig bilang newly identified drug personality.

Narekober sa buy bust operation ang walo ka mga plastic sachet sang ginasuspetsuhan shabu nga nagabug-at sang 25 gramos, kahita kag bag.

Priso karun si Descutido sa custodial facility sang Police Station 2 para sa nagakaigo nga disposisyon. | Aksyon John Diaz

NEGROS OCCIDENTAL MAY 118 ACTIVE COVID-19 CASES

January 18, 2021

Liwat nga nagsaka ang kaso sang Covid-19 sa Negros Occidental.

Sa datos sang Provincial Incident Management Team (PIMT) tubtub Enero 17, 2021, nagsaka sa 118 ang active cases halin sa 109 nga record sadtong Enero 11, 2021.

Ang syudad sang San Carlos amo ang may pinakadamo nga active cases nga may 23 kag ginasundan sang Silay nga may 13.

May 24 naman ka mga banwa kag syudad ang may single-digit number na lamang nga active cases.

May lima man ka mga banwa nga wala na sang aktibo nga kaso nga ginalakipan sang Don Salvador Benedicto, Cauayan, Pontevedra, San Enrique, kag Valladolid.

Pinakanubo nga active cases ang narekord sang PIMT sadtong Enerto 6 kag 9, 2021, nga may 104.

Basi sa cumulative report sang PIMT halin Marso 27, 2020 tubtub Enero 17, 2021, ang Negros Occidental ang may total Covid-19 cases nga 6,574, recoveries – 6,250, kag 206 nga napatay. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.