PALGUE NAG PUNGKO BILANG OIC SANG NOCPPO; BALEROS, MAGA RETIRO SA HUNYO 6

Share on facebook
Share on google
Share on pinterest
Share on twitter
Share on print

Opisyal na nga nag-pungko bilang Officer-In-Charge sang NOCPPO si Col. Romy Inway Palgue matapos ang ginpatigayon nga retirement honors ni Police Col.Romeo Baleros kag turn-over of command sa NOCPPO headquarters subong nga hapon adlaw, Hunyo 4.

Nagtambong sa amo nga seremonya sanday Governor Eugenio Jose Lacson, Silay City Mayor Mark Golez, 303rd Brigade commander Inocencio Pasaporte, BCPO Director Col Henry Biñas kag PRO6 Regional Director BGen Rene Pamuspusan.

Sa valedictory speech ni Baleros iya gin pasalamatan ang mga local chief executives kg iban pa nga opisyal sang gobierno ilabi na si Governor Eugenio Jose Lacson subongman ang iya provincial staffs nga nagbulig kag nagsuporta sa iya mga proyekto para sa NOCPPO.

Plano ni Baleros nga matapos ang 31 ka tuig nga pagserbisyo bilang miembro sang PNP, padayon siya magaserbisyo sa publiko sa ila lugar sa Batangas paagi sa pag papili bilang alkalde.

Nagpasalamat naman si NOCPPO OIC Col Romy Palgue kay Governor Lacson nga ginpili siya sang gobernador nga magpamuno sa pagpabilin sang peace and order sa probinsiya.

Ginpasalamatan man ni Police Regional Office 6 Regional Director BGen Rene Pamuspusan ang mga kahimuan ni Baleros nga namuno sang NOCPPO sa sulod sang isa ka tuig kag 6 ka bulan.

Suno kay Pamuspusan, napun-an ni Baleros ang iya mga obligasyon kag nakahimo sang mga tikang agud mapabilin ang tampad nga serbisyo sang kapulisan kag napatuman sini ang mga proyekto kag programa sang PRO6 sa probinsiya sa idalom sang supervision ni Baleros.

Dugang pa ni Pamuspusan, wala man malambot ni Baleros ang star rank antes nag retiro apang makumparar sa star rank ang iya performance.

Sa pihak nga bahin, gin abi-abi naman ni Pamuspusan ang pagpungko ni Col.Romy Palgue kag ginapsiguro sa Negrense nga magapadayon ang programa sang kapulisan sa idalom sang bag-o sini nga tagpamuno.

Nahibaluan si Palgue ang naggradwar sa PNPA sadtong 1997 kag bag-o gin assign bilang OIC sang NOCPPO, siya ang directorate for human resource and doctrine development sa camp crame. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.