MENU

PAGPALAWIG SANG TRAVEL MORATORIUM PADULONG REGION 6 GINADUSO

  • at 8:46 pm
Share on facebook
Share on pinterest
Share on twitter
Share on print

Ginaduso sang mga Local Chief Executives sa Region 6 ang pagpalawig sang travel moratorium sa sulod sang isa ka semana ukon tubtob Abril 17.

Kahapon nga adlaw, Hwebes, sang nagpatigayon sang zoom meeting sang mga provincial governors upod ang duha ka alkalde sang duha ka mga highly urbanized cities.

Sa statement nga ginpagwa ni Bacolod Mayor Evelio Leonardia, nagakabalaka sila sa pagsaka sang Covid-19 cases sa bug-os nga Region 6.

Suno kay Leonardia, nagakahangawa sila sa posibilidad nga ang bag-o nga variant sang Covid-19 ang posible nagtuga sa paglapta sang virus sa rehiyon rason nga nagapangayo sila sang pagintiende kag suporta sang publiko.

Nagalaum ang mga opisyal nga aktuhan sang National IATF ang ila pangabay.

Suno pa sa Alkalde, ini nga tikang ang tuyo nga proteksyunan ang Bacolod kag Western Visayas.

Sa nahibaluan, tubtob Abril 10 lamang ang travel moratorium nga na aprubahan sang National IATF.

What’s your Reaction?
+1
0
+1
0
+1
0
+1
0
+1
0
+1
0
+1
0

LAPSAG, PATAY BANGUD SA GINAPATIHAN PERTUSSIS

April 17, 2024

Patay ang duha ka bulan nga bata nga lalaki sa Negros Occidental bangud sa ginasuspetsuhan nga pertussis disease.

Suno kay Provincial Health Officer Dr. Ma. Girlie Pinongan, ang pasyente ang taga-Northern Negros kag napatay sa hospital kagab-i lamang, Martes.

Dugang pa ni Pinongan, lunsay mga sintomas sang pertussis ang ginbatyag sang bata apang ginahulat pa ang resulta sa specimen nga ginpaidalom sa laboratory examination sa Research Institute for Tropical Medicine (RITM).

Sa kabug-usan may 39 na ka mga pertussis related cases ang narekord sa Negros Occidental, sa diin walo ang kompirmado, trese (13) ang negatibo kag dyesiotso (18) ang probable.

Una nga napatay sa pertussis disease ang isa ka bulan nga bata nga babaye.

Pito ka mga local government units sa Negros Occidental ang may kompirmado nga kaso sang pertussis disease.

Sa rekord sang Provincial Health Office – Negros Occidental Health Surveillance System, ang pito amo ang Victorias, Cauayan, Silay, Cadiz, Hinobaan, Murcia, kag EB Magalona.

Pinakadamo nga kaso amo ang Murcia nga may duha, kag nakarekord man sang isa ka napatay.

Kalabanan sa mga pasyente nga nagpositibo sa pertussis amo ang mga kabataan nga nagaedad zero tubtub siyam ka bulan.

What’s your Reaction?
+1
0
+1
0
+1
0
+1
0
+1
0
+1
0
+1
0

100K NAKUHA SA BALALIGYAAN SA LIBERTAD

April 17, 2024

Nakuha ang 100 mil pesos nga benta sang Sari-Sari Store ang nakuha sang kawatan sa Libertad Street Barangay 33, syudad sang Bacolod.

Suno kay Police Captain Dax Santillan, hepe sang Police Station 6, ang kawatan nag-agi sa kesami kag ginkakas ang CCTV nga nakita sa isa ka bakante nga lote.

Nadiskobrehan ang pagpangawat sang mismo sang tag-iya nga wala nagpakilala sang magbukas ini sang iya Sari-Sari Store sang Martes sang kaagahon.

Suno kay Santillan, may person of interest sila apang kinahanglanon pa nila ang ebidensya.

Daku man kontani ang mabulig sang CCTV sa imbestigasyon apang nadiskobrihan nga wala ini naga-andar kon kagab-ihon.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.