PAGLABAY SANG MGA SOUTHBOUND PUJs SA SOUTH CAPITOL ROAD LIWAT NGA GINA DUSO; COUNCILOR RAMOS MAY PAATHAG

Share on facebook
Share on google
Share on pinterest
Share on twitter
Share on print

Gin paathag ni Bacolod Councilor Dindo Ramos, chair sang committee on transportation nga nakapatigayon na sadto sang dry run ang syudad angut sa paglabay sang mga Southbound nga salakyan halin sa dalan Rizal padulong sa dalan Gatuslao sa South Capitol Road tubtob sa Bacolod Vendors Plaza.

Ini matapos nga nag padala sang sulat ang tagdumalahan sang Ayala Malls Capitol Central nga naga pangabay nga liwat nga magpatigayon sang 90 ka adlaw nga dry run sa mga Southbound PUJs tubtob makalab-ot sa Provincial Captiol karon nga bulan sang Nobiembre.

Sa interview sang Aksyon Radyo, gin pahayag ni Ramos, ila na gin paboran kag gin endorso sa LTFRB Region 6 ang pag reroute sang mga Southbound PUJs matapos ang dry run nga gin patigayon sang 2019.

Suno sa Konsehal, ang operator na kuntane ang mag follow-up sini paagi sa pag file sang extension sang rota sa LTFRB, bangud ini ang gwa na sa otoridad sang Sangguniang Panlungsod.

Gin klaro ni Ramos, nga ang LTFRB lamang ang may otoridad sa pagligwat sang point of origin pakadto sa point of destination sang isa ka prangkisa.

Nag panugyan si Ramos sa tagdumalahan sang mall nga pwede man nila buligan ang operator nga mag file sang petition. Sa nahibaluan, tuyo sini nga ma decongest ang traffic sa atubangan sang San Sebastian Cathedral kag makaganyat sang bumalakal sa Bacolod Vendors’ Plaza. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.