PAGKOLEKTA SANG BASURA SA BURGOS MARKET, GIN-SCHEDULE

Share on facebook
Share on google
Share on pinterest
Share on twitter
Share on print

Ginpaathag sang gobyerno sang syudad sang Bacolod sa mga nagabaligya sa Burgos public market ang schedule sa paghakot sang basura sa merkado sa pagsinapol nga ginpatigayon kahapon sang aga, Enero 17.

Ini na ang ikaduha nga merkado nga ginpadulongan ni Vice Mayor El Cid Familiaran, IPM-Construction and Development Corporation, Sectoral Concern, Department of Public Services bilang kampanya sa bag-o nga strategy sa paghakot sang basura sa merkado.

Suno kay Executive Assistant Ernesto Pineda, chief coordinator sang Market Coordinating and Monitoring Task Force, takna las 8 sang aga tubtob las 12 sang udto kag takna las 6 sang gab-i tubtob las 9 sang gab-i magalabay ang trucking sang IPM-CDC sa dalan Burgos para magkolekta sang basura.

Dugang pa ni Pineda, magahulat ang trucking sang IPM-CDC sa Corner Galo kag Daniel Ramos Street kag ila kakason ang garbage bin sa lugar.

Ginkalipay ni Pineda nga nagkooperar sa sini nga programa ang Barangay 17, 19, 20, 22, kag 23 ukon lima ka barangay nga nagapalibot sa Burgos Market.

Dako naman nga bulig suno kay Dondon Parandas, Officer incharge sang City Disaster Risk Reduction Management Office, ang ini nga programa para mapahagan-hagan ang basura kag malikawan nga makadto ini sa mga drainage sang merkado. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.