PAGBUKAS SANG KLASE SA BULAN SG AGOSTO, SUPORTADO SG PILA KA GRUPO SANG MANUNUDLO

Share on facebook
Share on google
Share on pinterest
Share on twitter
Share on print

Suportado sang pila ka grupo sang mga manunudlo ang pagbukas sang klase sa bulan sang Agosto sini nga tuig.

Suno kay Association of Concerned Teachers (ACT)-Negros Secretary General Gualberto Dajao, kinahanglan magpadayon ang pagtuon sang mga kabataan sa pamaagi nga hilway sa katalagman kag indi matapikan sang balatian sa panahon nga may pandemic.

Paathag ni Dajao nga indi kinahanglan sang mga estudyante nga maggwa sa ila puluy-an samtang nagatuon rasun kun ngaa wala sang dapat kakulbaan ang mga ginikanan.

Dugang pa ni Dajao nagadihon ang Department of Education sang nagkalain-lain nga delivery modules agud nga mabuligan ang mga estudyante nga makatuon sa mahapos kag epektibo nga pamaagi.

Gin-ako ni Dajao nga sa bahin sang mga manunudlo dako nga pagpanghangkat ang implementasyon sang blended learning apang nagpasiguro nga may mga tikang na ang DepEd agud nga maplastar ini.

Suportado man sang grupo nga Bacolod City Public School Teachers Federation kag Talisay City Public School Teachers Federation ang amo nga plano.

MORE STORIES:

error: Ooops... You are not authorized to copy this content.