PAGADIAN KAG DAVAO CITY GIN-ADOPT ANG ‘BEST PRACTICES’ SANG BACOLOD SA PAKIG-AWAY KONTRA COVID-19

Share on facebook
Share on google
Share on pinterest
Share on twitter
Share on print

Gin-adopt sang Pagadian kag syudad sang Davao ang ‘best practices’ sang Emergency Operations Center sang Bacolod sa pakig-away kontra Covid-19.

Si Retired Major General Mel Feliciano nga nag bulig sa Bacolod sang duha ka bulan ang nag-abot sa Davao City sang Nobiembre 23 para mag bulig man sa amo nga LGU.

13 ka mga LGUs sa Negros Occidental ang una nga nag tambong sa mga aktibidad sang EOC sadto lakip man ang probinsya sang Capiz kag Aklan.

Sa press conference, gin pahayag ni City Administrator kag EOC Executive Director Em Ang, tanan nga procedures nga gina himo sang Bacolod ang gina replicate sa iban nga LGUS indi lamang sa probinsya kundi lakip na sa pila ka LGUs sa Mindanao.

Gina kalipay ni Ang nga gina paambit sang LGU ang mga best practices sini sa iban nga lugar.

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.