Gin pahayag ni PDEA Negros head Nicholas Gomez nga may bag-o nga istilo sang delivery sang ilegal nga droga sa Bacolod kag Negros Occidental.
Sa inisyal nga pagpangusisa ni Gomez, ginapaagi na sa mga courier services ang suplay sang shabu nga naghalin pa sa Manila.
Sa alegasyon kag imbestigasyon ni Gomez, nga sa panahon sang pandemya natukiban nga ginaupod na sa byahe ang mga shabu sa cargo courier truck sakay sa mga roll on and roll off vessels halin Batangas pakadto sa Caticlan, Dumangas kag ginapik-up sa Bacolod kag probinsya.
Gin-aku man ni Gomez nga may kabudlayan sa mga K9 units ang pagdiskubre sa mga ini bangod sa kadamuon sang mga ginapadala apang nagalaum nga madakpan ang mga ini paagi sa ila confidential asset. | Aksyon Alvin Grava
What’s your Reaction?
+1
+1
+1
+1
+1
+1
+1
