PAG INSTALL SANG DUGANG NGA 72 KA CCTVs SA BACOLOD NA ATRASAR BANGUD SA COVID-19

Share on facebook
Share on google
Share on pinterest
Share on twitter
Share on print

Na delay ang pag install sang dugang nga 72 ka mga CCTVs sa syudad sang Bacolod tungod sa COVID-19 pandemic.

Suno kay Executive Assistant Joemarie Vargas, cluster head sang Bacolod CDRRMO, tinalikdan nga bulan sang Mayo kuntane na install na ang dugang nga mga CCTVs, apang wala ini nadayun bangud sa pandemya.

Dugang pa ni Vargas, yara sa karon sa Manila ang mga equipment nga ila gin bakal gikan sa Singapore based nga kompaniya nga nagdaug sa bidding.

Ang proyekto ang naga balor sang kapin 25 milyones pesos kag ang pondo ang gikan sa 2019 Special Trust Fund sang Bacolod CDRRMO.

Suno kay Vargas, isa pa sa concern amo ang mga technician nga taga Manila nga kinahanglan pa mag paidalum sa 14-day quarantine antes maka install sang mga CCTVs.

Ang mga CCTVs ang ipahamtang sa mga strategic areas sa syudad.

Sa karon, ang syudad ang may 39 ka existing nga CCTVs pero anum dire ang may diperensya. | Aksyon Dale Salazar

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

LALAKI GINBUNO SANG BABAYI SA MOISES PADILLA, PATAY!

Patay ang 48 anyos nga lalaki matapos ginbuno sang isa ka babayi las 8:30 sang gab I, martes sa Sitio Loblob, Barangay Magallon Cadre, banwa sang Moises Padilla.

Ginkilala ang napatay sa kay Rene Lusaran kag ginkilala naman ang suspetsado sa kay Marlyn Bargayo, 49 anyos.

Sa pagpangusisa ni Moises Padilla PNP Commander Police Captain Randy Babor, gin alegar nga nakaino ang biktima kag ginhaboy sang bato ang balay sang suspetsado.

Tungod sini, naggwa si Bargayo nga may dala sang kutsilyo apang hinali na lamang siya ginhakos ni Lusaran rason nagpanginpadlos kag nabuno ang biktima.

Boluntaryo naman nga nagsungka sa kapulisan si Bargayo matapos mahimo ang krimen kag sa karon priso sa Custodial facility sang Moises Padila PNP.

MORE STORIES:

LIKE US ON FB

error: Ooops... You are not authorized to copy this content.