PAG ESTABLISAR SANG MENTAL HEALTH OFFICE KAG PSYCHOSOCIAL TASK FORCE, GINA DUSO

Share on facebook
Share on google
Share on pinterest
Share on twitter
Share on print
(Bacolod PIO Photo)

Maga pangabay si Vice Mayor El Cid Familiaran kay Mayor Evelio Leonardia nga mag isyu sang Executive Order nga naga tukod sang Mental Health Psychosocial Task Force.

Suno kay Familiaran, nag pabutyag ang mental health professionals kag advocates nga luyag nila buligan ang mga Covid-19 positive nga may traumatic experiences nga posible mag resulta sa depression.

Ginaduso man sang grupo nga magtukod sang Mental Health Office.

Gina abi-abi ni Familiaran ang bulig sang mga ini kasunod nga overworked na ang mga doktor sang syudad kag ang naga isahanon nga psychiatrist sang CHO.

Suno sa Bise-Alkalde, nag tanyag man ang grupo nga mag establisar sang online support system ukon mag patigayon sang face to face consultation kon kinahanglanon.

Gin ehemplo man ni Familiaran ang mga gina agyan sang returning OFWs kag Locally Stranded Individuals nga nag-quarantine na sa iban nga lugar, pero liwat nga i-quarantine pag abot sa syudad.

Suno pa sa Bise-Alkalde, may mga tion man nga gina-discriminate ang mga LSI sa komunidad bisan nga nag negatibo ang resulta sang ila test. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.