PAG DUMDOM SANG IKA-82 NGA CHARTER DAY SANG BACOLOD SA JUNE 18 MANGIN ‘SIMPLE’ PERO ‘MEMORABLE’ SUNO SA CITY ADMINISTRATOR

Share on facebook
Share on google
Share on pinterest
Share on twitter
Share on print

Mangin ‘simple’ pero ‘memorable’ ang pagdumdom sang syudad sang Bacolod sang ika-82 nga Charter Day celebration sa maabot nga Huwebes nga adlaw, Hunyo 18.

Ini suno kay City Administrator Em Ang.

Ini ang ikaduha nga tuig nga ang Bacolod ang magasaulog sang charter day sa Hunyo 18 base man sa R.A 11146 ukon Bacolod City Charter Day Act.

Suno kay Ang, Executive Director sang kahiwatan, may yara sang programa nga patigayunon umpisa sa hapon sang Hunyo 18 sa Lobby sang Bacolod Government Center kag mangin limitado ang maga tambong sa kahiwatan para matuman ang physical distancing.

Dugang pa ni Ang, lakip sa mga imbitado ang mga tawo nga deserve nga hatagan sang citation sang syudad, mga Punong Barangay, kag iban pa. Ang programa ang sarang masaksihan online ukon sa mga facebook pages sang syudad.

Si Mayor Evelio Leonardia ang nag isyu sang Executive Order No. 40 series of 2020 nga sa tunga sang pandemic, mangin very special sa gihapon ang 82nd charter day pero subject sa health protocol sang DOH kag gobyerno nasyunal.

Ang June 18 ang special non-working holiday sa Bacolod.| Aksyon Dale Salazar

LALAKI GINBUNO SANG BABAYI SA MOISES PADILLA, PATAY!

Patay ang 48 anyos nga lalaki matapos ginbuno sang isa ka babayi las 8:30 sang gab I, martes sa Sitio Loblob, Barangay Magallon Cadre, banwa sang Moises Padilla.

Ginkilala ang napatay sa kay Rene Lusaran kag ginkilala naman ang suspetsado sa kay Marlyn Bargayo, 49 anyos.

Sa pagpangusisa ni Moises Padilla PNP Commander Police Captain Randy Babor, gin alegar nga nakaino ang biktima kag ginhaboy sang bato ang balay sang suspetsado.

Tungod sini, naggwa si Bargayo nga may dala sang kutsilyo apang hinali na lamang siya ginhakos ni Lusaran rason nagpanginpadlos kag nabuno ang biktima.

Boluntaryo naman nga nagsungka sa kapulisan si Bargayo matapos mahimo ang krimen kag sa karon priso sa Custodial facility sang Moises Padila PNP.

BACOLOD DILG CHIEF MADAYAG, NEGATIBO ANG RESULTA SA COVID19 TEST

Nabaton na ni Bacolod City DILG chief Ma. Joy Marideth Madayag ang resulta sang iya swab test nga gin patigayon tinalikdan nga Lunes.

Suno kay Madayag, nangin negatibo ang resulta sang iya RT-PCR test nga nangin kabahin sang precautionary measure nga ginhimo sang ila talatapan bangud sa pag positibo sang isa nila ka empleyado sa Region 6.

Dugang pa ni Madayag, nagpatigayon sang Regional Conference ang ila talatapan tinalikdan nga semana gani ang amo nga RT-PCR test ang isa sang mga requirement agud ipasiguro nga ini ang hilway sa COVID 19.

Liwat naman nga nagpatigayon sang disinfection ang iya talatapan karon nga adlaw, samtang natalana naman nga maga balik ang ila operasyon sa DILG Bacolod sa bwas nga adlaw Enero 28.

MORE STORIES:

LIKE US ON FB

error: Ooops... You are not authorized to copy this content.