PAG BALIK SANG BYAHE SANG MGA BACOLODNON RETURNING RESIDENTS MAGA UMPISA NA SA SABADO

Share on facebook
Share on google
Share on pinterest
Share on twitter
Share on print

Umpisa sa Sabado nga adlaw, maga abot ang pila ka mga returning residents gikan sa Cebu pabalik sa syudad sang Bacolod.

Sa Lunes naman nga adlaw, maga balik ang pila ka returning residents gikan sa Manila pabalik man sa syudad.

Ini suno kay Councilor Cindy Rojas, chair sang action team on returning non-OFW residents, kasunod nga sa Biernes nga adlaw maga takop na ang duha ka semana nga moratorium sa mga byahe sang Locally Stranded Individuals.

Suno kay Rojas, base sa iya nga datus, may kapin 100 ka mga Bacoldnon halin sa Cebu kag kapin 100 ka mga Bacolodnon nga yara sa Manila ang nag sumiter na sang mga dokumento para makapauli.

Sa karon, may kapin 100 pa ka mga persona nga naka quarantine sa mga nagkalain-lain nga public school lakip na dire ang mga LSIs, mga asymptomatic nga Covid-19 positive kag mga tawo nga close-contact sang nag positibo.

Suno kay Rojas, basta may yara sang available nga quarantine facility, paga abi-abihon sang syudad ang mga naga puli nga LSI kag OFW bangud mas kululbaan ang local transmission. | Aksyon Dale Salazar

TATLO KA MGA OPISYAL NGA NAKATUPAD NI GOV LACSON SA ANTI DRUG SUMMIT, NEGATIBO SA COVID-19

Negatibo sa Covid-19 ang tatlo ka mga opisyal nga nakatupad ni Governor Bong Lacson sa Provincial Anti-Drug Summit syudad sang Bacolod sang Biyernes Enero 22, 2021.

Ini ang gin anunsiyo sang gobernador subong nga adlaw, kasunod sang iya pagpa swab test sa Teresita L. Jalandoni Provincial Hospital sa syudad sang Silay.

Ang tatlo amo sanday DILG Negros Occidental OIC Provincial Dir. Roselyn Quintana, Asst. Reg’l. Dir. Maria Calpiza Sardua, kag Liga ng mga Barangay Pres. kag Neg. Occ. Board Member Juvy Pepello. 

Sila kag si Lacson ang kalakip sa mga opisyal nga close contacts sang DILG Iloilo official nga nagpositibo sa Covid-19 kag nagtambong man sa summit.

Suno sa gobernador, mahibaluan ang resulta sang iya swab test karon sa gab-i kag nagalaom nga magnegatibo agud makabalik sa gilayon sa pagreport sa kapitolyo probinsiyal.

Dako ang pagsalig ni Lacson nga siya ang mag negatibo, bangud wala man sang sintomas nga ginabatyag.

Si Lacson ang nagpaidalom sa self-isolation umpisa kahapon Enero 26.

BACOLOD DILG CHIEF MADAYAG, NEGATIBO ANG RESULTA SA COVID19 TEST

Nabaton na ni Bacolod City DILG chief Ma. Joy Marideth Madayag ang resulta sang iya swab test nga gin patigayon tinalikdan nga Lunes.

Suno kay Madayag, nangin negatibo ang resulta sang iya RT-PCR test nga nangin kabahin sang precautionary measure nga ginhimo sang ila talatapan bangud sa pag positibo sang isa nila ka empleyado sa Region 6.

Dugang pa ni Madayag, nagpatigayon sang Regional Conference ang ila talatapan tinalikdan nga semana gani ang amo nga RT-PCR test ang isa sang mga requirement agud ipasiguro nga ini ang hilway sa COVID 19.

Liwat naman nga nagpatigayon sang disinfection ang iya talatapan karon nga adlaw, samtang natalana naman nga maga balik ang ila operasyon sa DILG Bacolod sa bwas nga adlaw Enero 28.

MORE STORIES:

LIKE US ON FB

error: Ooops... You are not authorized to copy this content.