Maga balik si Fighting Senator Manny Pacquiao sa syudad sang Bacolod para sa ikaduha nga home game sang Bacolod Master Sardines sa Maharlika Pilipinas Basketball League 2019 sa Oktubre 17.
Suno kay Congressman Greg Gasataya, maka enkwentro sang Bacolod ang Cebu sa 2nd game samtang ma atubangay naman ang Pampanga kag Cavite sa 1st game sa University of St. La Salle Coliseum.
Dugang pa ni Gasataya, sa dason pa kuntane ang schedule sang 2nd home game sang Bacolod pero iya ini personal nga gin pangabay sa founder nga si Pacman nga patigayunon subong nga Oktubre para timing sa ruby celebration sang MassKara Festival.
Ang Bacolod sa karon nga yara sa Group B ang yara sa ika-9 nga pwesto nga may anum ka daug kag 9 ka pierde.
Suno kay Gasataya, nag kumpirmar na si Pacquiao nga liwat ini nga maga balik sa Bacolod para liwat nga mag lantaw sang MPBL.
Madumduman, si Pacquiao ang gin dagsa sang mga tawo matapos ini ang nag panagtag sang kwarta nga nag lambot sa 1.5 milyones pesos. | Aksyon Dale Salazar