OROLA NAG-RESIGN BILANG CITY ADMINISTRATOR

Share on facebook
Share on google
Share on pinterest
Share on twitter
Share on print
(Former Councilor Em Ang FB Photo)

Nagpanaug sa pwesto si City Administrator John Orola matapos nag sumiter sang resignation letter kay Bacolod Mayor Evelio Leonardia.

Sa press conference, Pebrero 3, gin basa ni Orola ang kaundan sang iya resignation nga nagapasalamat kay Leonardia sa oportunidad nga gin hatag sa iya bilang City Administrator umpisa Hulyo 1, 2016.

Suno kay Orola, nangin fulfilling ang iya trabaho bilang City Administrator kag nagpasalamat sa tanan nga iya naka trabaho lakip na ang Sangguniang Panlungsod kag iban pa.

Naga pati si Orola nga makabulig ini sa Leonardia administration sa iya pribado nga kapasidad sa patag sang turismo, housing investments, job generation kag iban pa. Gin pahayag ni Leonardia, iya gina baton ang resignation ni Orola epektibo las 5 sang hapon sang Pebrero 3.

Suno sa Alkalde, si Orola ang maga serbe nga consultant sang syudad sa patag sang turismo kag iban pa kag ila na sa karon gina proseso ang appointment papers sini.

Iga appoint ni Leonardia si anay Konsehal Em Ang bilang City Administrator epektibo Pebrero 4.

Nag pasalamat naman si Ang kay Leonardia sa pag salig sa iya sa amo nga posisyon.

Gina kabig ni Ang nga hangkat para ipadayon ang mga maayo nga mga butang nga nahimo ni Orola para sa Bacolod. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.