ORGANIZER SANG VIVA EXCON NAG PAATHAG KAG NAG PANGAYO PASAYLO SA BACOLOD EOC

Share on facebook
Share on google
Share on pinterest
Share on twitter
Share on print

Personal nga nag paathag kag nag pangayo sang pasaylo ang organizer sang Visual Arts Exhibition and Conference ukon VIVA Excon sa Bacolod Emergency Operations Center kaina sang hapon angut sa natabo nga pag tililipon sa Art District nag ligad nga Nobiembre 6.

Sa interview sang Aksyon Radyo Bacolod, gin pahayag ni Dr. Chris Sorongon, deputy for medical sang EOC, nag patigayon sang virtual simulation ang organizer sang hapon sang Nobiembre 6 kag pagkatapos, natabuan nga may yara sang isa ka establisamento nga may yara sang banda nga maga perform.

Suno kay Sorongon, posible ang mga tawo nga nag tambong sa virtual simulation kag sa orange gallery ang nag tambong man sa peformance sang banda.

Dugang pa ni Sorongon, gin palambot man sang organizer sa ila nga indi na kabahin sang ila kahiwatan ang banda nga nag tukar sa lugar.

Pero suno kay Sorongon, nag pasiguro ang organizer nga magabulig sila sa EOC sa kampanya kontra Covid-19 paagi sa Art.

Gin siling man ni Sorongon, nga subong nga adlaw, Hwebes, pagatalakayon sang EOC ang ini nga isyu, maga pagwa sang rekomendasyon kag mag pagwa sang official statement.

Bwas nga adlaw, Hwebes, paga imbitahan sang EOC ang iban pa nga establisamento nga imbolbado sa insidente lakip man ang mga establisamento sa palibot sang Bacolod Government Center.

Bangud sini, gina pahanumdom sang EOC sa pulo ka police station nga pasangkaron pa ang ila nga Oplan Sita sa syudad. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.