Ginkumpirmar ni BAYAN –Negros Spokesperson Ereneo Longinos nga gin-aresto ang organizer sang National Federation of Sugar Workers ukon NFSW sa Northern Negros sa checkpoint nga ginpatigayon sang Cadiz PNP sa Barangay Caduhaan, syudad sang Cadiz subong nga gab-i, Hunyo 9.
Suno kay Longinos, las 4 sang hapon sang nagpauli si Gaspar Davao sa syudad sang Escalante pagkatapos sang ila pagsapol nga ginpatigayon apang nakibot na lamang sila nga nagtawag ang kaupod ni Davao nga ini ang gin-aresto sang police.
Sa karon nagapakig-angot pa ang grupo sa kay Cadiz PNP Commander Police Major Robert Mansueto angot sa kaso ni Davao.
Ang Aksyon Radyo nagtinguha man nga magkuha sang impormasyon angot sa natabo apang ginpalayag sang hepe nga subong nagapadayon pa ang ila pag-consolidate sang report. | Aksyon Ann Defensor