ORDINANSA BATUK SA MGA NAGA DISCRIMINATE SA COVID PATIENT, GIN APRUBAHAN

Share on facebook
Share on google
Share on pinterest
Share on twitter
Share on print

Aprobado na sa third and final reading sang konseho sa syudad sang Bacolod ang ordinansa nga naga patuman sang penalidad sa mga persona nga naga himo sang diskriminasyon batuk sa mga COVID-19 patient.

Suno sa author sang ordinansa nga si Councilor Renecito Novero, ang sin-o man nga mapatud-an nga naka komitir sang amo nga kasuguan ang maga paga pangatubang sang penalidad nga singko mil pesos kag pagka priso nga indi magnubo sa isa ka tuig.

Dugang pa ni Novero, ang COVID patient nga gina tumod sa amo nga ordinansa ang naga lakip sa mga persona nga gin konsiderar bilang mga PUM, PUI lakip na ang mga indibidwal nga naka recover na sa amo nga virus.

Suno pa kay Novero, tuyo sang amo nga ordinansa nga ma proteksyunan ang tanan nga mga COVID patient sa ano man nga sahi ukon porma sang diskriminasyon.

Dugang pa sini,ang effectivity sang ordinansa ang maga umpisa sa tion nga ma pirmahan na sang alkalde ang amo kasuguan kag ma kumpleto man ang required publication sini sa lokal nga mga pahayagan. | Aksyon Art Tayhopon

MORE STORIES:

ANU ANG IMO MA KOMENTO?