Na pirmahan na ni Bacolod Mayor Evelio Leonardia ang gin aprubahan nga ordinansa sang Sangguniang Panlungsod angut sa mandatory nga pag suksok sang face mask kag curfew ordinance.
Ang duha ka mga ordinansa ang gin author ni City Councilor Archie Baribar kag gin aprubahan sang SP sa third kag final reading sang tinalikdan nga semana.
Suno kay Leonardia, 200 pesos ukon community service ang penalidad sa mga persona nga wala naga suksok sang face mask kag wala naga tuman sang social distancing.
Nasaad naman sa curfew ordinance, nga 500 pesos ang bayad ukon community service sa maga lapas sang curfew umpisa las 10 sang gab-i tubtob las 4 sang kaagahon.
Ang pirmado nga mga ordinansa ang i-publish sa lokal nga pamatalaan antes ini nga mapatuman.
Liwat nga gin tugyanan ni Leonardia ang kapulisan nga siguraduhon ang social distancing ilabi na sa merkado sa Bacolod.
