Nag pakig alyansa ang grupo nga Magbinuligay Kita sa Kauswagan ukon MKK sa grupo nga Asenso for Better Bacolod ukon ABB. Ini ang pagklaro ni City Councilor Wilson Gamboa Jr kasunod sang report nga gin islan na ang ngalan sang MKK pakadto sa ABB.
Suno kay Gamboa, damlag lang gin porma ang grupo nga ABB nga gina bug-usan sang oposisyon kag nag kalain-lain nga political aggrupation kag civil cause oriented groups kaangay sang womens sector, business sector, kag myembro man ang MKK kag Abang lingkod Partylist. Suno kay Gamboa, naga pabilin ang MKK kag ini sa gihapon ang paga usaron nga ngalan sa 2019 midterm elections samtang ang ABB naman ang maga suporta sa ila. Suno kay Gamboa, bukas man ang ABB sa pag baton sa mga kandidato nga luyag mag papili sa pagka independent sa maabot nga eleksyon. Suno pa sa Konsehal, ila gina tipon ang pwersa sang oposisyon kasunod nga mabakod sa karon ang mga incumbent nga mga opisyales.