Nagpa-blotter ang isa sa corporate owner sang Metro Inn Hotel nga si Catherine Cabuga sa police station 2 batuk sa Operations Officer kag mga security guard ukon blue guard nga gin hire sang iya anay bana nga si Francis Cabuga.
Sa interview sang Aksyon Radyo, gin pahayag ni Task Force Commander John Chiong nga ini bangud sa gin himu sang mga ginareklamo nga pagpugong kay Catherine nga makasulod sa hotel sa pihak sang iya matarong nga isa man sa tag iya.
Angut sini, plano sang kampo ni Catherine nga magpasaka sang kaso batuk sa mga ginareklamo nga ginalakipan nanday Operation Officer Bartolome Flores, Security guards Ariel Java, Jomar Lamayo, Christian Romalla, Reynald Gonzaga, Julius Miraflor, Norberto Fernandez Jr., Jessie Villarez kag Aljon Rica.
Samtang, may panawagan naman si Chiong sa magtimbang nga bahin nga magpakatawhay lamang tungod nagapate ini nga maresolbar ang problema kon mag atubangay sanday Catherine kag Francis kag magistoryahanay sang matawhay.
