ONE VISAYAS BAG-O NGA POLITICAL PARTY

Share on facebook
Share on google
Share on pinterest
Share on twitter
Share on print

“BAG-O NGA REGIONAL POLITICAL PARTY PAGATUKURON SA VISAYAS, PARTIDO PAGATAWGON NGA “ONE VISAYAS”.

Gin-anunsiyo ni Negros Occidental Vice Eugenio Jose Lacson ang plano ni 3rd District Congressman Albee Benitez nga pagtukod sang regional political party nga One Visayas para sa 2019 nga eleksyon.

Suno kay Lacson, ini ang pagabug-usan sang mga opisyal halin sa rehiyon 6, 7 kag 8 sa diin si Benitez ang isa sa mga mangin lider. Dugang pa sang bise gobernador, ang Visayan bloc sa kamara nga ginapamunuan ni Benitez ang kalakip sa mga miembro sang sini nga partido kag pagadugangan sang mga gobernador, alkalde, bise alkalde kag iban pa nga mga interesado nga opisyal sang gobyerno.

Isa sa pinakakilala nga regional political party sa karon, amo ang Hugpong ng Pagbabago nga ginapamunuan ni presidential daughter Davao City Mayor Sarah Duterte-Carpio.

PFIZER NGA BAKUNA SANG NEGROS OCCIDENTAL PAGAUSARON UMPISA HUNYO 28

1,000 ka mga persona kada adlaw ang target nga mabakunahan sang Pfizer-BioNTech COVID-19 Vaccine sa Negros Occidental.

Suno kay Provincial Administrator Atty. Rayfrando Diaz II, maga umpisa  ang pagbakuna   sa Hunyo 28  tubtub Hulyo 2, 2021  sa duha ka mga gindesignar  nga vaccination sites.

Ini amo ang Teresita L. Jalandoni Provincial Hospital sa syudad sang Silay    kag Negros Residences sa syudad sang Bacolod.

May 300 ka mga tawo ang target nga mabakunahan sa Silay kada adlaw, samtang 700 naman sa Bacolod.

Gin-athag ni Diaz nga may 2 lamang ka vaccination areas nga gintalana ang probinsiya, bangud diri nahamtang ang Ultra Low Freezer  para sa Pfizer vaccines.  | Aksyon Marlon Genovea

ISA PATAY, ISA PILASON MATAPOS NA AKSIDENTE ANG TRICYCLE SA SAGAY

Ginbawian sang kabuhi ang bana, samtang pilason ang asawa sa nagluntad nga aksidente sa Taytay Tan-ao, Purok Taklong, Barangay Bato, Syudad sang Sagay las 3 sang hapon, Myerkules.

Ang napatay ginkilala kay Llewelyn Datolayta, 56 anyos, samtang ang pilason nga asawa ginkilala kay Dory, 57 anyos tanan nagapuyo sa Barangay Maquiling, samtang ang driver nga truck ginkilala naman kay Roger Vergara, 47 anyos, nagapuyo naman sa Barangay Bato sa amo man nga Syudad. 

Sa inisyal nga imbestigasyon sang otoridad sa pagpanguna ni P/LCol Albert Sy, hepe sang Sagay PNP,  naglupok ang goma sa sidecar sang tricycle rasun nga indi na ini makontrol sang driver kag nagpadulong sa nasugata nga truck.

Nasangit sang truck ang tricycle nga ginmaneho sang napatay upod ang asawa nga ginabulong subong sa hospital.  

Gina-usisa pa sa otoridad ang impormasyon nga nag-wild ang karabaw nga karga sang tricycle rasun nga wala na makontrol kag nagbungo sa nasugata nga truck.

MORE STORIES:

LIKE US ON FB

error: Ooops... You are not authorized to copy this content.