ONE-TIME ZERO-INTEREST LOAN, WALA PA SANG PAGSULONDAN

Share on facebook
Share on pinterest
Share on twitter
Share on print

Wala pa sang pagsulundan kun paano ipatuman ang one-time zero-interest loan program sang Department of Agriculture ukon (DA) sa idalom sang Expanded Survival and Recovery Assistance Program for Rice Farmers ukon (SURE Aid), para sa mga mangunguma nga nagatanom sang humay.

Sa interbyu sang Aksyon Radyo-Bacolod, ginpahayag ni Negros Occidental Provincial Agriculturist Japhet Mascolino, ini nga programa ang gindisenyo para sa mga mangunguma nga nahalitan sang el nino phenomenon, bagyo, baha kag mga apektado sang Rice Tariffication Law.

Sa sidelines sang special forum angot sa hybrid rice sadtong Agusto 16 sa Manila, ginpahayag ni Agriculture Secretary William Dar nga magahatag ang gobyerno sang PHP15,000 nga one-time loan assistance sa mga mangunguma nga nagatalauma sang isa ka hektarya panubo nga humayan.

Sa idalom sang SURE Aid, magabaton sang aplikasyon ang gobyerno umpisa Septyembre uno tubtub Desyembre 2019. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, PATAY SANG GINTIRO MATAPOS NASAL-AN NGA KONTRA SANG SUSPECT

Patay ang isa ka lalaki matapos masal-an nga amo ang kontra sang suspect sa nagluntad nga shooting incident sa Sitio Kantinakip, Barangay Sikatuna banwa sang Isabela, las 11 kagab-i, Marso 26.

Suno kay Police Captain Arjay Dangarang, hepe sang Isabela PNP, nagalakat ang biktima nga si Randy Labinoy, 39 anyos sa ka sagingan sang hinali nalang nga ginluthang sang wala pa ginhingadlan nga suspetsado gamit ang wala pa mahibaluan nga armas luthang igo sa nawala nga tyan nga amo ang gintunaan sang iya kamatayon.

Sa inisyal nga imbestigasyon sang kapulisan, base sa mga saksi napasibangdan lang si Labinoy nga amo ang kontra sang suspect nga nahibaluan may madugay na nga away.

Palayag ni Dangarang nga dulom ang lugar rason nga lain nga tawo ang naluthangan sang suspect.

Sa karon, padayon pa ang ginapatigayon nga imbestigasyon kag pag pangita sang dugang nga saksi para ma kumpirmar ang identity sg suspect.

What’s your Reaction?
+1
1
+1
0
+1
0
+1
0
+1
0
+1
0
+1
0

PCG NAPAIDALUM SA HEIGHTENED ALERT TUBTOB ABRIL 2, 2024

Nag-augment sa Philippine Coast Guard ang nagkalain lain nga units kaangay sang 618 Auxilliary Squadron, Philippine Marine Reserve kag Maritime Police para magbulig sa pagbantay sa pagsulod kag pag gwa sang mga pasahero sa mga pwerto sa Negros Occidental kag ilabi na sa Bredco kag Banago Port.

Suno kay Commander Paterno Belarmino Jr. umpisa Marso 22 naka heightened alert na sila kag magalawig tubtob Abril 2.

Dugang pa ni Belarmino, amat amat na nga naga damo ang pasahero nga nagabyahe kag ginapaabot nga mas magdamo pa sa masunod nga inadlaw.

Panugyan ni Belarmino sa mga nagabyahe nga magsunod lang sa proper protocol para tayuyon ang lakat sang byahe kag mapabilin nga safe ang tanan nga pasahero. | PCG Photo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.