OFW HALIN SA KUWAIT, GINBUNO-PATAY SANG BANA

Share on facebook
Share on google
Share on pinterest
Share on twitter
Share on print
Patay ang Overseas Filipino Worker ukon OFW halin sa Kuwait matapos ginbuno sang iya nga bana sa Hda. Alicante, Brgy. Bungahin banwa sang Isabela. Ginkilala ang biktima kay Angela Arevalo, 26 anyos, residente sang amo nga lugar. May pilas sa dughan kag kamot ang biktima matapos ginbuno’ sang suspetsado nga ginkilala kay Arnaiz Arevalo, 26 anyos. Suno kay Senior Inspector Randy Babor, hepe sang Isabela PNP, nagpauli si Angela halin sa Kuwait agud kuntani kuhaon sa kustodiya sang iya bana ang iya duha ka mga menor-de-edad nga kabataan. Dugang pa ni Babor, nagpadulong ang biktima sa ila balay upod ang iya utod, pero sa iya pag-abot gin-alegar sang utod nga gintampa ang biktima sang iya bana nga nagresulta sang komosyon, rason nga ginbuno’ ni Arnaiz ang iya asawa. Nagapati si Babor, posible ang nagapanguna nga motibo sang krimen amo ang pagpangimon bangud gin-alegar may iban nga kahagugma ang biktima nga si Angela. Padayon pa nga ginapangita sang kapulisan si Arnaiz matapos nga madasig inin nga nagpalagyo matapos mahimu ang krimen.
Inline image

Inline image

MORE STORIES:

LIKE US ON FB

error: Ooops... You are not authorized to copy this content.