OBO MAGAISYU STOPPAGE ORDER SA GINATUKOD NGA CELL TOWER SA PUROK HIMAYA, ALIJIS

Share on facebook
Share on google
Share on pinterest
Share on twitter
Share on print

Ginpahayag ni Office of the Building Office Acting Head Engr. Nestor Velez nga sa Myerkules nga adlaw ila papanaugan sang stoppage order ang ginatukod nga cell site tower sang Dito telco sa Purok Himaya, Barangay Alijis, syudad sang Bacolod.

Ini matapos nga gin-papanaugan sang notice of violation kasunod nga nagtukod na sang tower nga wala pa sang building permit gikan sa OBO.

Suno kay Velez, kalabanan sa karon sa ginatukod nga cell tower sa syudad ang iya sang Dito telco company samtang may yara man ang globe kag smart.

Dugang pa ni Velez, ang ila talatapan ang nagaisyu sang una nga notice of violation nga nagapahibalo nga wala sang building permit ang ginatukod nga estraktura kag nagaisyu sang ikaduha nga notice of violation nga nagamando nga untaton ang proyekto.

Ginpaathag ni Velez nga sa idalum sang joint memorandum circular nga gin isyu sang DILG kag iban pa nga ahensya sang gobyerno, ginkakas ang pila ka mga requirement sa pagtukod sang tower kaangay sang Barangay Certification kag approval sang Sangguniang Panlungsod.

Pero ginklaro ni Velez nga dapat makapatuman sang information and education campaign ang telco company sa mga pumuluyo angut sa ginaduso nga proyekto.

Suno kay Velez, nagapakita sa ila record nga naka-isyu na sila sang building permit sa 27 ka tower sang Dito telco.

Nagsuhestyon si Bacolod Vice Mayor El Cid Familiaran sa natungdan nga mga Barangay nga magpatigayon sang public hearing upod ang mga residente para matalakay ang isyu upod ang DOH, City Engineer’s Office kag iban pa.

Suno sa Bise-Alkalde, may yara sang mga insidente nga nagasugod na tukod sang tower pero wala pa sang permit rason nga ginapapanaugan ini sang penalidad sang OBO. | Aksyon Dale Salazar

BACOLOD NAGTUKOD SANG PSYCHOSOCIAL FIRST AID TEAM

May gintukod nga team ang siudad sang Bacolod paagi sa CDRRMO para sa mga tawo nga nagabatyag sang depresyon ukon ano man nga hibubon-ot. 

Sa interview sa Aksyon Hotline, ginpahayag ni Executive Assistant kag CDRRMO Head Joemarie Vargas, ang siudad ang may gintukod nga Psychosocial First Aid (PFA) nga amo ang magabulig sa mga tawo ilabi na sa may problema mental health.  Suno kay Vargas, sa idalom sang PFA, ang mga tawo ukon indibidwal nga naga-angkon sang depresyon ang pwede gid makapanawag sa ila kag makapabutyag sang hibubon-ot.

Suno kay Vargas, ini nga tikang ang kabahin man agud ma-solusyonan ang mental health problem nga gina-antos sang kada indibidwal ilabi na sini nga panahon sang pandemic. 

Ini nga pahayag ni Vargas ang kasunod sang padayon nagasaka nga kaso sang suicide sa siudad.

Kahapon, isa ka 30 anyos nga lalaki ang nag-suicide paagi sa paglumpat gikan sa ikaapat nga panalgan sang isa ka mall diri sa siudad sang Bacolod.   | Aksyon Dorel Cabatu

GRUPO SA BACOLOD GINADUSO SI VP ROBREDO NGA MAGPAPILI PRESIDENTE

Magapatigayonn sang signature campaign sa syudad sang Bacolod ang grupo sang “Bunyog Pagkakaisa” agud magpakita sang suporta para kay Vice President Leni Robredo.

Suno kay Thezz Polano, tuyo sang ila hanay nga magpakita sang suporta kay Robredo agud magpapili ini bilang presidente sa 2022 National election.

Nagapati si Polano nga ang performance ni Robredo nagapakita nga makasarang ini sa pagdumula sang pungsod. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.