NPA GIN AKO NGA SILA ANG NAG AMBUSH SA DUHA KA MIEMBRO SANG ARMY

Share on facebook
Share on pinterest
Share on twitter
Share on print
(Philippine Army Spearhead Troopers FB Photo)

Gin-ako sang New People’s Army sa Negros Occidental nga sila ang may kahimuan sa pagpatay sa duha ka  miyembro sang  15IB sang Philippine Army  sa ambush sadtong adlaw sang Sabado, Abril 3, sa Sitio Cambaga, Brgy. Yao-yao, banwa sang Cauayan.

Suno kay Ka Juanito Magbanua, spokesperson sang Apolinario Gatmaitan Command, NPA-Negros, ang grupo sang Armando Sumayang Jr. Southwest Front ang nag-ambush sa ila nanday Army Sergeant Jhoem Meguillo sang Brgy. Malamote, Midsayap, probinsya sang North Cotabato kag Army Corporal Alaster Balboa sang San Jose Road, Zone 2, syudad sang Zamboanga.

Dugang pa ni Ka Juanito, ang duha ka mga militar mga intelligence operatives kag nagatipon sang impormasyon sa lugar paagi sa Community Support Program.

Ginklaro  ni Ka Juanito nga wala nila ginlapas ang protocol of war bangod armado man sang short firearms sanday Meguillo kag Balboa sang natabo ang insidente.

Samtang, ginpaandaman sang Negros Occidental Police Provincial Office ang kapulisan kag publiko nga maghalong sa NPA, bangud yara sila nagalagaw-lagaw sa madamo sang tawo.

Suno kay NOCPPO Deputy Spokesperson PLt Abegael Donasco, basi sa ila intelligence report, kon kaisa nagapabuang-buang sila kag kun may tsansa magatuga sang  kalakasan.

Dugang ni Donasco, ila man ginamonitor ang posible may SPARU unit sang amo nga grupo.

Samtang, mas ginapahalong pagid ang mga intelligence operatives sang NOCPPO, agud indi matabo sa ila ang pareho sang pagpatay sang duha ka miyembro sang Philippine Army sa  Banwa sang Cauayan tinalikdan nga adlaw.  | Aksyon Alvin Grava, Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.