NOVERO: TATLO KA PUBLIC SCHOOL NAGA SERBE NGA ISOLATION FACILITY PARA SA MGA ASYMPTOMATIC NGA COVID-19 POSITIVE

Share on facebook
Share on google
Share on pinterest
Share on twitter
Share on print

Tatlo ka mga pampubliko nga eskwehalan sa syudad sang Bacolod ang gina tiniran sang mga asymptomatic nga Covid-19 patients sa syudad.

Ini suno kay Councilor Renecito Novero, chair sang Quarantine Center Action Team.

Suno kay Novero, madugay na nga patakaran sang LGU sang Bacolod nga kon ang isa ka persona nga positibo sa virus kag wala sang sintomas nga gina batyag, sila ang iga isolate sa public school.

Nag pamalibad si Novero nga ipalayag ang tatlo ka mga eskwelahan nga gina butangan sang mga asymptomatic Covid-19 patients.

Gin klaro man ni Councilor Israel Salanga, chair sang Action Team on Returning OFWs, indi matuod ang nag gwa nga impormasyon nga gina saylo ang mga OFWs humalin sa hotel pakadto sa public school bangud sa delay nga bayad sang OWWA.

Suno kay Salanga, ang mga damlag lang gin saylo sa public school amo ang mga OFWs nga positibo sa virus pero asymptomatic.

Dugang pa ni Salanga, sila ang gina isolate tubtob nga maka recover sa masakit.

Una na nga gin pahayag ni City Administrator Em Ang, ang mga Covid-19 positive nga may mild to moderate nga sintomas ang gina butang sa Bacoldo Queen of Mercy Hospital samtang ang critical ang gina saylo sa Corazon Locsin Montelibano Memorial Regional Hospital| Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.