NOTORYOS NGA KAWATAN NADAKPAN SA SAN CARLOS CITY

Share on facebook
Share on google
Share on pinterest
Share on twitter
Share on print

Nadakpan ang ginakabig notorious nga nga kawatan sa Syudad sang San Carlos kag isa man ka street level individual sa iligal nga druga. Gin kilala ang suspek kay Ronnie Arile, 30 anyos kag nagapuyo sa Dos Hermanos Street, Barangay 3 sa amo man nga Syudad.

Suno kay PLt. Roby Aurita, Deputy of Police sang San Carlos PNP, gindakop si Arile matapos na identify sa Close Circuit Television ukon CCTV sa establishmento ni Antonio Eliot nga iya ginaulod sadtong Enero 12 sang aga nga nagkuha sang kwarta nga 4,000 pesos, jewelries nga 250,000 pesos kag pila ka panid sang foreign currency.

Narekober kay Aurita ang 4,000 pesos nga foreign currency kag nakuhaan pa sang anum ka sachet sang ginapatihan shabu.

Gin-inquest na si Arile sa kaso nga pagpangawat kag iligal nga druga.

Nagalaum ang otoridad nga maguwa ang iban pa nga mabiktima sang suspetsado, agud mas magdugang ang kaso nga atubangon sini. | Aksyon Bryan Morden

BARIBAR GINA ABI-ABI ANG GINADUSO NGA PAGHALOG SANG AGE LIMIT NGA MAKAGWA

Gina abi-abi ni Councilor Archie Baribar ang desisyon sang National IATF nga pag halog sa age limit sang publiko nga sarang maka gwa sa puluy-an sa mga lugar nga napaidalum sa MGCQ status.

Suno kay Baribar, ini nga lihok ang indi lamang maka bulig sa aspeto sang ekonomiya, kundi maka pa hagan-hagan man sa psychological kag emotional nga gina batyag sang publiko ilabi na ang mga Senior Citizen nga naga edad 60 tubtob 65 anyos.

Dugang pa sang konsehal, may pila ka mga Senior Citizen nga luyag lamang nga maka gwa sa ila puluy-an para sa pagsimba apang wala sang mahimo bangud sa gina patuman nga restriksyon sang gobiyerno.

Importante lang suno kay Baribar nga mapadayon sang publiko ang pagsunod sa health protocol nga gina patuman sang mga otoridad agud malikawan ang ano man nga problema sa Covid-19 sa palaabuton. | Aksyon Art Tayhopon

ANAY POLICE ASSET, NADAKPAN SA BUY-BUST OPERATION

Nadakpan ang isa ka persona nga nagabaligya sang frozen foods kag anay police asset sa buy-bust operation sang Police Station 8 sa Barangay Singcang-Airport syudad sang Bacolod, Biernes sang gab-i.

Gin kilala ang nadakpan kay Remo Togores, 34 anyos kag pumuloyo sang Purok Mainabyanon Brgy. Singcang-Airport syudad sang Bacolod.

Narekober kay Togores ang anom ka sachet sang suspected shabu, shabu paraphernalia nga may market value nga 14 mil pesos.

Suno kay Police Major Jun Ray Batadlan, hepe sang Police Station 8, masobra duha ka bulan ang ila surveillance kag nadakpan si Togores.

Priso si Togores sa Police Station 8 kag napasaka na ang kaso nga paglapas sang R.A. 9165 Comprehensive Dangerous Drug Act of 2002. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.