NOTORYOS NGA KAWATAN NADAKPAN SA BUY-BUST OPERATION

Share on facebook
Share on google
Share on pinterest
Share on twitter
Share on print

Dakop ang isa ka ginakabig notoryus nga kawatan sa buy bust operation sang Police Station 2 sa Purok Nangka, Brgy. 6 syudad sang Bacolod subong nga gab-i, Pebrero 18.

Ang nadakpan ginkilala kay EJ Vincent Montelibano, legal ang edad kag tumandok sang amo man nga lugar.

Suno kay Police Station 2 Officer-in-Charge Police Lt. Joven Mogato, si Montelibano ang nagabaligya sang ilegal nga droga kun gab-e kag nagapangawat naman sa mga delivery truck nga gikan sa Reclamation Area kun kaagahon.

Madugay naman nga ginamonitor sang kapulisan si Montelibano matapos makabaton sang report nga ini nagabaligya sang ilegal nga droga.

Narekober kay Montelibano ang lima ka medium-sized plastic sachet sang ginasuspetsuhan shabu nga nagabalor sang 35 mil pesos, isa ka improvised tooter, 500 pesos nga kwarta kag kahita.

Si Montelibano ang priso sa custodial facility sang Police Station 2 para sa nagakaigo nga disposisyon.

Ginpanginwala sang himata ni Montelibano nga ini nagabaligya sang ilegal nga droga.

Aminado si Sheila Montelibano, tiya ni Montelibano, nga numero uno nga kawatan sa lugar ang iya hinablos apang wala gid ini naga-intra sa ilegal nga droga.

Aligasyon naman ni Montelibano nga planted ang mga ginasuspetsuhan shabu nga ginpahayag narekober sa iya hinablos.

Dugang pa ni Montelibano, kun nagabaligya sang ilegal nga droga ang iya hinablos wala na niya ini kun tani ginasagod.

Sa rekord sang Police Station 2, si Montelibano isa ka street level individual kag tuig 2019 sang gindakop ini sang kapulisan bangud sang pagpangawat. | Aksyon John Diaz

HANAY SANG NEGOSYANTE PABOR NGA IPAIDALUM SA GCQ ANG PROBINSYA

Kumporme ang mga negosyante nga ipaidalom sa General Community Quarantine kag pagligwat sang gurfew hours nga ipatuman sa probinsiya sg Negros Occidental. 

Sa interview sg Aksyon Hotline kay Metro Bacolod Chamber of Commerce and Industry chief executive Frank Carbon, nalipay sila kag ila gina abi-abi ang ginpatuman nga solusyon ni Governor Eugenio Jose Lacson kag sang mga alkalde sang kada banwa kag syudad.

Dugang pa ni Carbon, gamay lang ang epekto kon temprano pa magasira ang mga negosyo bangud  makabawi man kon aga.  Palayag ni Carbon, dyutay gid lamang ang adjustment kag kinalain sang mga pagsulundan kon napaidalom ang lugar sa MGCQ ukon GCQ. 

Suno kay Carbon, panahon na nga pahanugutan ang local IATF nga magdesisyon sang para sa ila mga nasakupan bangud sila ang mas nakahibalo sg dapat kag mga kinahanglanon sang mga pumuluyo. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.