NORTHERN NEGROS AGRO-INDUSTRIAL EXPORT PROCESSING ZONE PAGATUKURON SA SAGAY CITY

Share on facebook
Share on google
Share on pinterest
Share on twitter
Share on print

Magapirmahanay sang kasugtanan ang gobyerno sang Sagay Negros Occidental kag Philippine Economic Zone Authority (PEZA), angot sa pagtukod sang Northern Negros Agro-Industrial Export Processing Zone.

Ang pirmahanay patigayunon bwas Setyembre 16, 2020, paagi sa virtual signing ceremony sa Sanguniang Panlungsod Session Hall.

Ini sa tunga ni Mayor Alfredo Marañon III kag PEZA Director General Charito Plaza.

Ang kasugtanan amo ang basihan para madevelop kag mapromote ang expanded 160 hectares nga propiedad sang local government unit, paagi sa usufruct agreement.

Ini magluwas sa 20 hektarya nga una naaprobahan sang city government kag Office of the President sadtong 2008, para i-develop ang propiedad kag buksan sa lokal kag dumuluong nga negosyante.

Suno kay Marañon ang export processing zone, ang makahatag sang trabaho sa mga returning residents nga nagpauli sa ila lugar paagi sa Balik Probinsiya Bagong Pag-asa Program, nga kabahin sa post-pandemic recovery plan sang gobyerno. | Aksyon Marlon Genovea

(Hapi Radio DYAG Photo)

MORE STORIES:

LIKE US ON FB

error: Ooops... You are not authorized to copy this content.