NONECO, MAY PAANDAM KAG PANAWAGAN SA MGA KONSUMEDOR

Share on facebook
Share on google
Share on pinterest
Share on twitter
Share on print
Nagpaandam ang Northern Negros Electric Cooperative ukon NONECO sa ila mga konsumedor, nga maghalong kag indi magpati sa mga tawo nga nagapakilala nga miembro sang ila kooperatiba kag nagapamilit nga magsulod sa mga puluy-an.

Sa interview sang Aksyon Radyo – Bacolod, ginpahayag ni NONECO Information Officer Glory Ann De Los Reyes nga sadtong Lunes Oktobre 1, isa ka konsumedor sa Brgy. Fabrica siudad sang Sagay ang nagreklamu sa ila sanga sa siudad sang Cadiz may kaangtanan sa tawo nga nagpamilit nga magsulod sa iya puluy-an, naglantaw sang bill, kag nagpanukot.

Dugang pa ni De Los Reyes, wala magbayad ang konsumedor apang sang ulihi nadiskubrihan na lamang sini nga nadula na ang iya nga tablet computer.

Ginklaro ni De Los Reyes nga wala sang gin-authorize ang NONECO agud magpanukot sa mga puluy-an.

Nanawagan si De Los Reyes nga ireport sa gilayon sa ila talatapan ang kaangay nga modus-operandi.

Sakop sang NONECO ang siudad sang Victorias, Cadiz, Sagay, Escalante, San Carlos, kag banwa sang EB Magalona, Manapla, Calatrava kag Toboso.

MORE STORIES:

LIKE US ON FB

error: Ooops... You are not authorized to copy this content.