NODJ NAG UMPISA NA SA PAGPATIGAYON SANG ‘TELE-HEARING’

Share on facebook
Share on google
Share on pinterest
Share on twitter
Share on print
(NODJ Photo)

Gin-umpisahan na sang Negros Occ. District Jail ang “Tele-hearing” para sa mga Person Deprived of Liberty ukon mga preso.

Sa pihak nga ginpa-idalum sa Modified GCQ ang probinsya, ginpahayag ni NODJ Jail Warden Chief Inspector Norberto Miciano, nagapabilin sa gihapon ang lock down sang ila pasilidad sa sulod na karon sa (90) nobenta ka adlaw kag wala ginapahanugutan makagwa sa jail facility ang ila mga Jail personnel ilabi na ang mga bilanggo agud malikawan ang pagsulod sang virus.

Dugang pa ni Miciano, paagi sa bag-o nga teknolohiya, ang mga bilanggo ang mahimo nga makatambong paagi sa Tele-hearing, sa diin ang isa ka PDL ang sarang nga mag pakig-anguit sa abogado, piskalya kag huwes gamit ang internet software communication.

Samtang, ginahanda na sang NODJ ang pila ka mga “isolation rooms” para sa posible exposure sang bilanggo sa posibilidad nga makagwa agud magtambong sa hearing.

Suno kay Miciano, nakahanda ang ila ahensya nga ipresintar sa korte ang isa ka bilanggo kung ginapangita sang huwes ang “physical presence” sini. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.