NOCPPO: SEMANA SANTA NANGIN MATAWHAY SA PROBINSYA

Share on facebook
Share on google
Share on pinterest
Share on twitter
Share on print
(Talisay PNP FB Photo)

Ginkalipay sang Negros Occidental Police Provincial Office nga nangin matawhay ang pagsa-ulog sang semana santa.

Suno kay NOCPPO Deputy Spokesperson PLt Abegael Donasco, wala sang dalagko nga nagluntad  nga insidente kag aksidente sa dalanon may angut sa  selebrasyon. Dugang ni Donasco, dako ang bulig sa pagnubo sang kriminalidad ang wala pagbukas sang iban nga mga beach sa probinsya.

Samtang, yara man ang presensya sang kapulisan sa mga simbahan, terminal kag mga lugar nga may madamo sang tawo agud magpatuman sang health protocol.

Ginala-uman sang kapulisan nga indi magsaka ang kadamuon sang covid-19 sa probinsya, pagkatapos sang selebrasyon. | Aksyon Bryan Morden

HANAY SANG NEGOSYANTE PABOR NGA IPAIDALUM SA GCQ ANG PROBINSYA

Kumporme ang mga negosyante nga ipaidalom sa General Community Quarantine kag pagligwat sang gurfew hours nga ipatuman sa probinsiya sg Negros Occidental. 

Sa interview sg Aksyon Hotline kay Metro Bacolod Chamber of Commerce and Industry chief executive Frank Carbon, nalipay sila kag ila gina abi-abi ang ginpatuman nga solusyon ni Governor Eugenio Jose Lacson kag sang mga alkalde sang kada banwa kag syudad.

Dugang pa ni Carbon, gamay lang ang epekto kon temprano pa magasira ang mga negosyo bangud  makabawi man kon aga.  Palayag ni Carbon, dyutay gid lamang ang adjustment kag kinalain sang mga pagsulundan kon napaidalom ang lugar sa MGCQ ukon GCQ. 

Suno kay Carbon, panahon na nga pahanugutan ang local IATF nga magdesisyon sang para sa ila mga nasakupan bangud sila ang mas nakahibalo sg dapat kag mga kinahanglanon sang mga pumuluyo. | Aksyon Eden Aboso

17K NGA BALOR SANG SUSPECTED SHABU NAKUMPISKAR; SUBJECT SA BUY-BUST OPERATION, NAKAPALAGYO

Nakapalagyo ang subject sa buy-bust operation nga si Ronel Balaquet sa 1st Road Puentebella, Barangay Taculing syudad sang Bacolod, kaina sang hapon, Sabado.

Ang nakapalagyo ang nalakip sa drug watchlist sang Police Station 6 kag ginakabig street level individual.

Suno kay Police Major Leo Estopa, hepe sang Police Station 6, pila na ka reklamo ang ginpadangat batuk sa iligal nga aktibidad ni Balaquet.

Dugang pa ni Estopa, namutikan ni Balaquet nga pulis ang iya ka transaksyon kag nakapalagyo kasunod nga madamo sang exit ang ila compound.

Nabilin ni Balaquet ang isa ka pouch nga naga unod sang 10 ka sachet sang suspected shabu.

Kapin 17 mil ang balor sang ginapatihan shabu ang narekober sang Police Station 6.

MORE STORIES:

LIKE US ON FB

error: Ooops... You are not authorized to copy this content.