Masobra na sa pulo ka personnel sang Negros Occidental Provincial Police Office ukon NOCPPO ang nagpositibo sa COVID-19.

Suno kay NOCPPO Spokesperson PMaj Edison Garcia Jr, nagdamo ini sang nakigbahin man ang kapulisan sa ginpatigayon nga one time bigtime mass swab testing sadtong Agusto 30 kag 31.

Dugang ni Garcia, ang mga nag positibo ang nadeploy sa mga border control kag hotel nga may mga returning Overseas Filipino Workers.

Tatlo sa ila naka-recover kag ang iban yara sa provincial healing center sa banwa sang EB Magalona.

Wala naman sang kabalak-an sa mga ini, bangud nga asymptomatic sila kag yara maayo ang ila kondisyon.

Angut sini, liwat nga naghingyo si Garcia sang pag-ugyon sang pumoloyo sa ginapatuman nga health protocol. | Aksyon Bryan Morden