SECTIONS

NOCPPO MAS GINPABASKOG ANG CHECKPOINT NGA GINAPATIGAYON

  • at 5:54 pm
Share on facebook
Share on google
Share on pinterest
Share on twitter
Share on print

Ginpabaskog pa guid sang Negros Occidental Police Provincial Office ukon NOCPPO ang check point sa dalanon, agud magkaladakpan ang mga suspetsado sa riding in tandem incident.

Suno kay NOCPPO Deputy Spokesperson PLt Abegael Donasco, indi lang isa ukon duha kundi may ikatatlo pa nga checkpoint nga ginahimo ang otoridad sa ila nasakupan.

Dugang ni Donasco, isa sa hangkat sa ila bangod pulis man ang ginabantayan sang mga kriminal.

Apang, palayag pa sini, gintinguhaan karun sang NOCPPO nga mahagan-hagan ini nga problema karun sa probinsya.

Nag-abiso man ang otoridad sa publiko nga mangin mabinantayon sa ila palibot, agud indi mabiktima.

Nahibal-an, madamo na sang biktima sang riding in tandem insident sa probinsya nga wala masulbar kag nadakpan bangud naka-helmet kag face mask ang mga ini. | Aksyon Bryan Morden

28 KA LSI SA DSB, NEGATIBO SA COVID-19

January 23, 2021

Nag negatibo sa Covid-19 RT-PCR test ang 28 ka mga Locally Stranded Individuals (LSIs)  nga nagpauli sa  Don Salvador Benedicto Negros Occidental halin sa syudad sang Cebu.

Ini ang gin anunsiyo sang Municipal Inter-Agency Task Force COVID-19  sa  Don Salvador Benedicto  official facebook page paagi kay Mayor Marxlen Dela Cruz.

Bangud sini nagapabilin sa gihapon bilang Covid-19 free municipality ang DSB.

Sa record sang  DSB Local IATF  tubtob January 19, 2021, ang banwa ang may total confirmed cases nga 15 kag lunsay na nga naka rekober.

Ang pagka hilway sang DSB sa aktibo nga kaso sang Covid-19 ang napabilin sa sulod na sang kapin isa ka bulan. | Aksyon Marlon Genovea

BARIBAR GINA ABI-ABI ANG GINADUSO NGA PAGHALOG SANG AGE LIMIT NGA MAKAGWA

January 23, 2021

Gina abi-abi ni Councilor Archie Baribar ang desisyon sang National IATF nga pag halog sa age limit sang publiko nga sarang maka gwa sa puluy-an sa mga lugar nga napaidalum sa MGCQ status.

Suno kay Baribar, ini nga lihok ang indi lamang maka bulig sa aspeto sang ekonomiya, kundi maka pa hagan-hagan man sa psychological kag emotional nga gina batyag sang publiko ilabi na ang mga Senior Citizen nga naga edad 60 tubtob 65 anyos.

Dugang pa sang konsehal, may pila ka mga Senior Citizen nga luyag lamang nga maka gwa sa ila puluy-an para sa pagsimba apang wala sang mahimo bangud sa gina patuman nga restriksyon sang gobiyerno.

Importante lang suno kay Baribar nga mapadayon sang publiko ang pagsunod sa health protocol nga gina patuman sang mga otoridad agud malikawan ang ano man nga problema sa Covid-19 sa palaabuton. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.