NOCPPO HANDA NGA MAG AUGMENT SA BCPO KON KINAHANGLANON

Share on facebook
Share on google
Share on pinterest
Share on twitter
Share on print

Nakahanda ang Negros Occidental Provincial Police Office ukon NOCPPO nga magpadala sang personnel kun kinahanglan sang Bacolod City Police Office ukon BCPO sang augmentation.

Suno kay NOCPPO Spokesperson PMaj Edison Garcia Jr, nagahulat sila kun may request, agud gilayon nga makapadala sang tawo.

Dugang ni Garcia, nagpahamtang man sila sang border control sa mga kaiping nga syudad kag banwa sang Bacolod.

Nahibal-an, Septembre 8 tubtob 30, ginpatuman ang hugot nga check point sa Bacolod, matapos imando sang National-Inter Agency Task Force ukon IATF nga ipa-idalum sa Modified Enhance Community Quarantine ukon MECQ ang syudad.

Madumduman nga nagpatigayon sang one time big time mass swab testing ang syudad nga nagresulta sa pagdamo sang positibo sa COVID-19 sa Bacolod. | Aksyon Bryan Morden

LALAKI, PATAY MATAPOS GINTIRO SA SILAY

Nagatakilid sa semento kag wala na sang kabuhi ang isa ka 54 anyos nga lalaki sang luthangon sa Kalye Onse, Barangay Mambulac, Syudad sang Silay kaina sang aga.

Ang biktima ginkilala kay Rodulfo A. Cain Jr ” Jun Kumpol” pamilyado kag nagapuyo sa amo man nga Barangay.

Sa imbestigasyon sang Silay PNP sa pagpanguna ni PLt. Guilmor Cuare, Deputy of Police, nagapangape gid lamang ang biktima sang mag-abot ang duha ka suspetsado sakay sa motorsiklo kag ginluthang sang makaduha ka beses igo sa liog tunaan sang iya kamatayon.

Ang otoridad nakarekober sang duha ka cartridge sang kalibre 45 sa lugar sang insidente.

Suno sa otoridad, ang biktima isa ka street level individual kag naaresto naman sadto.

Karun sini, padayon pa ang imbestigasyon sang otoridad sa motibo sang krimen kag pagkilala sa mga suspetsado. | Aksyon Bryan Morden

LALAKI, PILASON MATAPOS NAKURYENTE

(Contributed Photo | CTTO)

Nakuryete ang isa ka naga-sidline sa pagpamanday sa Purok Sunshine, Barangay E. Lopez, Syudad sang Silay.

Ang biktima ginkilala kay Antonio Zamora, 33 anyos, pamilyado nagapuyo sa Purok Langka sa amo man nga Barangay kag isa ka tricycle driver.

Suno sa ugangan ni Zamora nga si Edgar Relojas, iya ginsugo ang biktima nga kuhaon ang metal purlins sa ikaduha nga andana sang ila gina-ubra ugaling nasangit ini sa linya sang central negroa electric cooperative ukon ceneco.

Nahulog ang biktima kag nakaangkon sa madamo nga paso lawas kag nagsuka sang dugo. Gilayon ini gindala sang hospital. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.