NOCPPO DIRECTOR SSUPT. BALEROS, NAG-COURTESY VISIT SA KAPITOLYO PROBINSIYAL

Share on facebook
Share on google
Share on pinterest
Share on twitter
Share on print

Gin abi-abi ni Governor Alfredo Maranon Jr. ang bag o nga ‘officer-in-charge’ sang Negros Occidental Police Provincial Office ukon NOCPPO nga si Senior Superintendent Romeo Baleros, nga nag courtesy visit sa kapitolyo probinsiyal.

Ini kasunod sa ginpatigayon nga turnover of command sa Camp Alfredo Montelibano Sr. siyudad sang Bacolod sadtong lunes, Enero 7.

Ginpresentar ni Baleros sa gobernador ang iya mga plano kag programa sa mga kapulisan sa sulod sang pila ka bulan sini nga pagpangalagad.

Sa ‘acceptance speech’ ni Baleros, iya ginsiling nga wala sang lugar sa NOCPPO ang mga kapulisan nga naga entra sa ilegal nga aktibidad.

Ginbuslan ni Baleros si Senior Superintendent Rodolfo Castil Jr., nga nagbulos man sa iya ginbakante nga puwesto bilang hepe sang Police Regional Office (PRO)-6 Intelligence Division.

DUHA PILASON SA INSIDENTE SANG PAGPANGLABU SA CALATRAVA

Ginabulong karon sa San Carlos City Hospital ang 56 anyos nga amay matapos ginlabu sang mag-utod las 10:15 kagab-i sa Sitio Atabay, Barangay San Isidro, banwa sang Calatrava.

Ang biktima ginkilala kay Francisco Boliboli samtang ang mga suspek amo sanday Felipe Retable ,60 anyos, kag manghod sini nga si Bobby, 47 anyos, lunsay  residente sang amo nga lugar.

Sa inisyal nga pagpangusisa ni PMaj. Roberto Indiape, bangod gid lamang sa sa personal nga away kag kutsukutso, ginsulong sang mag-utod ang biktima ginbuno  kag ginlabu. 

Si Boliboli ang nakaangkon sang pilas sa likod sang lawas kag butkon.

Sa amo nga insidente, nakita ni Atellano Jorolan (umagad sang biktima) nga ginalabu sang mag utod ang  iya ugangan,  nagkuha man ini sang binangon kag ginlabu si Ratable.

Una nga gindala si Boliboli sa Calatrava District Hospital kag gilayon ginforward sa San Carlos City Hospital samtang si Ratable ang ginabulong sa Corazon Locsin Montelibano Memorial Regional Hospital.

Sa follow-up opreration sang kapulisan, nadakpan si Bobby samtang si Felipe ang buluntaryo nga nagsurender sa mga otoridad. | Aksyon Alvin Grava

TASK FORCE DISIPLINA MAGAPAHAMTANG MARKINGS KAG MAGA SCAN BAC-TRAC SA NAGAPILA SA COMELEC BACOLOD

Maga pahamtang sang markings para sa social distancing kag scanning sang BacTrac ang Task Force disiplina sa talatapan sang COMELEC umpisa sa Lunes, Mayo 10.

Suno kay Wilfredo Taba Geolingo Action Officer sang Task Force, tuyo sini nga mapunggan ang problema angut sa gina kabalak-an nga pagtaas sang kaso sang COVID 19.

Dugang pa ni Geolingo, mismo ang Malacañang nag mando sa tanan nga mga LGU sa pagpatuman sang hugot nga implementasyon sang amo nga regulasyon.

Gin klaro man sini nga magluwas sa Task Force disiplina, may yara man sang pila ka mga miyembro sang kapulisan nga maga bulig para sa amo nga kampanya. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.