MENU

NO. 5 MOST WANTED SA MISAMIS OCCIDENTAL, NADAKPAN SA BACOLOD

  • at 6:58 pm
Share on facebook
Share on pinterest
Share on twitter
Share on print

Sa tatlo ka tuig nga pagpanago sa mga otoridad natultolan kag na-aresto sang Bacolod City Mobile Force Company ang No. 5 most wanted person sa Misamis Occidental.

Ang suspetsado ginkilala kay Reyhio Mofan, 28 anyos, soltero kag naga-estar sa Purok Sta. Clara Barangay Tabunan syudad sang Bago.

Si Reyhio Mofan ang na-aresto sa iya gina-obrahan nga establisemento komersyal sa Galo- Hilado Barangay 20, Bacolod.

Suno kay Police Lt. Roque Gemina III deputy force commander sang Bacolod City Mobile Force Company nga nagpangayo sang bulig ang Claring Municipal Police Station sa Bacolod City Police Office agod ma-aresto si Mofan.

Suno kay Gemina si Mofan ang may warrant of arrest sa kaso nga “statutory rape” sa diin iya ginhimuslan ang isa ka minor de edad sa Misamis Occidental.

Ang warrant of arrest sang suspek ang gin-isyo ni Judge Salome Dungog sang RTC 10 Branch 53 napetsahan Abril 10, 2017 nga wala sang pyansa.

Priso sa custodial facility sang Police Station 4 si Mofan kag natalana nga iga turn-over sa Claring Municipal Police Station Misamis Occidental. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

1ST NEGROS ISLAND PRISAA MAGABUKAS NA SA ABRIL 26

April 24, 2024

Dose ka mga pribado nga unibersidad kag kolehiyo sa isla sang Negros ang magapakigbahin sa pinaka-una nga Negros Island Private Schools Athletic Association (NIPRISAA).

Pormal nga magabukas ang NIPRISAA sa Biernes, Abril 26 sa STI West Negros University.

Tinutuyo sang NIPRISAA nga ipreparar ang mga lokal nga atleta para sa National PRISAA kag iban pa nga sports-related events.

Dugang pa, pamaagi man ang NIPRISAA agud pasanyugon ang National PRISAA kag sang Philippine Sports Commission (PSC) Grassroots Sports Development Program.

May katorse ka mga sports events ang NIPRISAA kag natalana nga patigayunon sa nagkalain-lain nga lugar kalakip na sa STI-WNU, University of St. La Salle-Bacolod, University of Negros Occidental-Recoletos, Panaad Park and Stadium, SM City Bacolod kag Ayala Capitol Central umpisa Abril 26 tubtob April 30, 2024.

“While our government is looking into the structure of the Negros Island Region, kita naman, sa academe, when it comes to sports development program, we went ahead. That’s the reason why we established the Negros Island PRISAA. So, the future is here now. It’s happening,” pahayag ni Dr. Ryan Mark Molina, executive vice president kag chief operations officer of STIWNU.

Si Molina ang nagaserbe man nga second vice president sang National PRISAA,

What’s your Reaction?
+1
0
+1
0
+1
0
+1
0
+1
0
+1
0
+1
0

REGULAR EMPLOYEE SANG BACOLOD GIN REKLAMO NGA NAG TAMPER SANG RESIBO

April 24, 2024

Gina imbestigahan sang syudad sang Bacolod ang gin alegar pag tamper sang resibo nga gin isyu sa violator nga gin isyuhan sang citation ticket sang Bacolod Traffic Authority Office.

Suno kay Jose Antonio Robello, deputy head sang BTAO, 2,300 pesos ang penalidad sang lalaki nga violator bangud nag maneho sang motorsiklo nga wala sang helmet kag driver’s license nagligad nga Abril 18, 2024.

Sa amo nga penalidad, 1,000 pesos ang bayad sa towing, samtang 1,300 pesos sa pag drive nga wala sang helmet kag wala sang lisensya.

Ginpahayag ni Robello, nagbayad ang violator sang 1,300 pesos sa babaye nga cashier sang City Treasurer’s Office nga assign sa BTAO pero gin alegar 300 pesos lamang ang gin encode.

Gin alegar nga ginbutangan sang cashier sang ‘1’ ang resibo para ini ang mangin 1,300 pesos.

Suno kay Robello, sa ila nga pag usisa, 300 lamang ang nagsulod sa system nga bayad bisan 1,300 ang ginbayaran sang violator.

Ang reklamo ang una gin padangat sa Isugid kay Mayor nga programa. Ang cashier nga ginareklamo ang isa ka regular nga empleyado.

Luyag lamang ni Robello nga maklaro nga wala sang BTAO personnel ang imbolbado dire.

Ginklaro sini nga wala sila nagabaton sang kwarta nga bayad sang mga violator kundi naga isyu lamang sang citation ticket.

REAKSYON NI MAYOR ALBEE

Dismayado si Bacolod Mayor Albee Benitez sa nabaton nga reklamo batuk sa cashier sang City Treasurer’s Office nga assign sa BTAO bga gin reklamo nga nag tamper sang resibo.

Sa interview sang media, Myerkules, ginpahayag sang Alkalde, nga atubangon sang regular nga empleyado ang konsekwensya kag ini ang ipaidalum sa due process.

Ginkumpirmar ni Benitez nga gin saylo na ang ginareklamo sa iban nga trabaho kag indi na cashier nga assign sa BTAO. Ginpahayag ni Benitez, indi na sini kinahanglan nga suliton ang iya panindugan batuk sa korapsyon kag posible luyag nila nga may ma ‘sampolan’.

Gina kilala naman sang alkalde ang mga tawo nga nagapangisog nga mag reklamo kontra korapsyon bangud nagapati nga ang pagtinlo sa gobyerno ang indi lamang iya responsibilidad.

Nagpasiguro si Benitez nga iya gilayon aktuhan ang mga ginapadangat nga reklamo.

What’s your Reaction?
+1
0
+1
0
+1
1
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.