NO. 1 WANTED PERSON SANG POLICE STATION 3, NADAKPAN

Share on facebook
Share on google
Share on pinterest
Share on twitter
Share on print

Arestado ang number 1 most wanted person sang Police Station 3 matapos nagpanago sa Barangay 2, banwa sang Manapla.

Ang suspek ginkilala kay Cris Dolor 38 anyos residente sang Prk. Kawayan, Brgy Banago, syudad sang Bacolod.

Suno kay P/Capt. Richard Fajarito, hepe sang Police Station 3,  si Dolor ang gin-aresto bangod sa  kaso murder kag ilegal nga droga nga wala sang pyansa.

Priso si Dolor sa custodial facility sang Police station #3 kag natalana nga igasaylo sa Bureau of Jail Management and Penology sa syudad sang Bacolod. | Aksyon Alvin Grava

BARIBAR GINA ABI-ABI ANG GINADUSO NGA PAGHALOG SANG AGE LIMIT NGA MAKAGWA

Gina abi-abi ni Councilor Archie Baribar ang desisyon sang National IATF nga pag halog sa age limit sang publiko nga sarang maka gwa sa puluy-an sa mga lugar nga napaidalum sa MGCQ status.

Suno kay Baribar, ini nga lihok ang indi lamang maka bulig sa aspeto sang ekonomiya, kundi maka pa hagan-hagan man sa psychological kag emotional nga gina batyag sang publiko ilabi na ang mga Senior Citizen nga naga edad 60 tubtob 65 anyos.

Dugang pa sang konsehal, may pila ka mga Senior Citizen nga luyag lamang nga maka gwa sa ila puluy-an para sa pagsimba apang wala sang mahimo bangud sa gina patuman nga restriksyon sang gobiyerno.

Importante lang suno kay Baribar nga mapadayon sang publiko ang pagsunod sa health protocol nga gina patuman sang mga otoridad agud malikawan ang ano man nga problema sa Covid-19 sa palaabuton. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.