NFSW ORGANIZER NGA GIN DAKOP SANG OTORIDAD GIN PASAKAAN NA SANG KASO; NFSW GIN KONDINAR ANG ‘ILIGAL’ NGA PAG ARESTO

Share on facebook
Share on google
Share on pinterest
Share on twitter
Share on print

Ginpasaka na karon nga adlaw ang kaso nga paglapas sa R.A. 10591 batuk kay Gaspar Davao nga organizer sang National Federation of Sugar Workers ukon NFSW sa Northern Negros.

Suno kay Cadiz PNP commander Lt. Col. Robert Mansueto, si Davao ang gin aresto matapos nakuhaan sang granada, sobersibo nga mga dokumento kag iban pa nga nabutang sa ginadala sini nga bag kagab-i, Hunyo 9.

Dugang pa ni Mansueto, una nga ginmuno sang kapulisan si Davao matapos nga wala ini nagasuksuk sang facemask sang naglabay sa check point nga ginapatigayon sang kapulisan bilang precautionary measures batuk sa COVID-19 apang sang gin usisa na, didto nadiskubre ang mga dala ni Davao.

Samtang, ginkumpirmar ni Philippine Army 303rd Infantry Brigade Commander Col. Inocencio Pasaporte sa kay Mansueto nga si Davao isa ka miyembro sang New People’s Army kag may pending pa nga warrant of arrest.

Ginakundenar sang NFSW ang iligal nga pag-arestu kay Davao.

Suno kay NFSW Secretary General John Lozande, si Davao isa lamang ka NFSW organizer nga nakabasi sa northern Negros ilabi na sa syudad sang Escalante apang gindakup kag ginpatu-patuan sang kaso.

Matapos gindakup kagabi, ginakwestion man ni Lozande ang manera sang pag-arestu kay Davao bangod wala ginhambal sang mga otoridad kung ano ang bayulasyon sini.

Sa pagpakig-angot ni Lozande kay Davao, nakibot na lamang ini matapos nakita ang granada nga nabutang sa iya bag.

Nagapati si Lozande nga isa na naman ini ka sahe sang patupato nga kaso batok sa isa ka lider sang progresibo nga grupo kaangay sang national federation of sugar workers. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.