Masakit nga pahayag, ini ang reaksiyon ni National Federation of Sugar Workers Chairman, Rolando Rillo sa gin pagwa nga statement sang Armed Forces of the Philippines ukon AFP nga ang natabu nga Sagay Massacre, ang may yara sang koneksiyon sa 'Red October' Plot.
Sa interview sa Aksyon Firing Line, dismayado si Rillo sang pahayag sang AFP nga suno sa iya, kaangay nga wala gina pinsar sang AFP ang ila mga alegasyon.
Dugang pa, nagalain man ang buot ni Rillo sa una nga pahayag sang otoridad nga naga akusa sa ila nga may kahilabtanan sa natabo nga pagpamatay sa siyam ka mga sugarcane Workers.
Suno pa kay Rilloo, tama ka layo sang mga pahayag sang otoridad kag kaangay nga wala nakita ang ila pag tinguha nga makabulig sa kasolbaran sang kaso.